Zarauzko Udaleko Ingurumen departamenduak gogorarazi du garrantzitsua dela duna zaintzea, galtzeko arriskuan dauden espeziak daudelako bertan. Iñurritzako biotopoa Natura 2000 Sarearen barruan babestuta dago, ingurumen balio handia duelako; izan ere, Kantauri isurialdeko duna-ekosistema bakarretakoa da, baina, horrez gain, galtzeko arriskuan dauden hainbat espezie topatu daitezke bertan, hala nola, Alyssum loiseleurii itsas haltza eta Galoum arenarium. Beraz, espezie horiek babesteko eta mantentzeko ardura dugu.
Gloria Vazquezek (PSE-EE) Ingurumen zinegotziak azpimarratu duenez, “jakin badakigu itsasgorarekin oso hondartzan gutxi geratzen dela toallak jartzeko, baina hori ez da duna inbaditzeko arrazoia eta, azpimarratu nahi dut, ezin direla gainditu hondartzatik dunara sartzea mugatzen duten sokak. Era berean, ezin da padurara zubiaren azpitik sartu, eremu garrantzitsua baita hegaztientzat. Pertsonak eta txakurrak bertara sartzea mehatxu larria da bertako faunarentzat eta florarentzat”.
Era berean, Vazquezek golf zelaiaren erabiltzaileei gogorarazi die duna landaretzarako erreserbatutako eremuak errespetatu behar dituztela, bai zelaiaren barruan bertan, baita inguruetan ere: “Ingurumen departamenduak gol-zelaiaren barruko landarediaren kontserbazio egoeraren azterketa eta jarraipena egiten du eta, bide batez, eskerrak eman nahi dizkiot golf klubari, zeregin horietan emandako laguntzagatik”.
“Zarautzek ingurumen aberastasun handia du Eraztun Berde Urdinean (EBU) integratuta, eta natura zaintzea du helburu nagusi. Bi eremu babestu ditugu: Iñurritzako biotopoa eta Garate – Santa Barbarako artelatza, eta Pagoetako parke naturalaren zati txiki bat. Eremu natural horietaz eta hainbesteko babes maila ez duten beste batzuez goza dezakegu, haien biodibertsitatea zaintzen dugun bitartean”, burutu du Vazquezek.
Imanol Pradales Lehendakaria Prudentzio Deunaren Erretretan izan da. La entrada Imanol Pradales Lehendakaria Prudentzio Deunaren…
Nafarroako Gobernuko lehendakariorde eta Memoria eta Bizikidetzako, Kanpo Ekintzako eta Euskarako kontseilari Ana Ollo Doneztebeko…
Barakaldo Kirolak-ek ikerketa abiatuko du gertatutakoa argitzeko Zauritua, garbiketa-enpresako langilea, Gurutzetako ospitalera eraman dute, konortea…
Barakaldoko gazte nerabeen arteko talentu-lehiaketan 67 pertsonak hartuko dute parte. Barakaldoko Udaleko Gazteria Sailak, Giltzarri…
Justizia eta Giza Eskubideen sailburuak bonbardaketaren 88. urteurrena ospatzeko ekitaldietan parte hartu du Bizkaiko udalerrian…
Amaia Barredok, Eusko Jaurlaritzako Elikadura, Landa Garapen, Nekazaritza eta Arrantza sailburuak, zorionak eman dizkie untxi,…