Espainiako Vuelta: Xabier Isasa (Euskaltel-Euskadi), hirugarren ihesaldia

Xabier Isasa (Euskaltel-Euskadi) eguneko ihesaldian sartu da Espainiako Vueltako 11. etapan. 166,5 kilometro Padronen hasita eta amaituta, bigarren jardunaldia Galiziako lur bihurrian.

Hirugarren aldiz, Isasa eguneko ihesaldiko protagonista izan da, hirugarren eta zazpigarren etapetan bezala, hiru asteetan aurreneko aldiz. Urretxuko txirrindulariak tartea ireki du, buruan 39 txirrindulariko talde bat osatu arte, 70 kilometroko lehiaren ondoren.

Gipuzkoarrak multzoari eutsio dio Aguasantas (2. mailakoa, 81,2 eta 117,9 kilometroetan) mendatean, eta erasoa ere jo du 30 kilometro falta zirenean, alferrik. Azkenean, Cruxeiraseko horman (3.a, 158,5 km), 2,9 km % 8,9ra, amore eman du; hala ere, tropelaren aurretik helmugaratu da. Garaipen Eddie Dunbarrek (JAY) lortu du eta Ben O ‘Connorrek (DAT) lider jarraitzen du.

Xabier Isasa: «Irteeran bagenekien ihesaldiak aukerak zituela gaur. Oso azkar atera da. Lasterketaren lehen ordua zoramena izan da, gainera, ibilbidea nahiko gogorra zen eta mundu guztiak ihesaldian egon nahi zuen. Aukera bilatzea zen gakoa. Lehen mendatea tropel erdia igaro dugu. Azkenean, ni sartu naiz eta saiatu naiz ahalik eta ondoen azaltzea. Bakarrik ihes egiten ahalegindu naiz, bagenekielako azken mendatea oso gogorra zela, ez zela nire ezaugarrietara egokitzen, eta zaila zela lehen multzoan izatea. Guro taldea oso ondo dago, egunero ari gara horretan saiatzen, baina egia da aurten ere maila itzela dela eta ez dela erraza».

Jorge Azanza, Euskaltel-Euskadi taldeko kirol arduraduna: «Etapa oso gogorra izan da, oso lehiatua, Isasarekin bikain aritu da, baina agian azken zatia ez zen onena berarentzat. Ziur asko, beste txirrindulari bat ihesaldian sartzea falta izan zaigu; taldekideek dena emana dute, baina ezin izan dugu. Aukera iritsiko da eta egunen batean saria jasoko dugu. Ildo horretatik jarraitu behar da».

Ostegunean lasterketak Galizian jarraitzen du eta 12. etapa ospatuko da, Ourense – La Manzaneda, 137,5 kilometro, Ribeira Sacrako errepide bihurrian, Manzanedako igoeraren aurretik (1.a), 15,5 kilometroko igoera etzana % 4,7ra.

Xabier Berasategi, Mikel Bizkarra, Joan Bou, Xabier Isasa, Txomin Juaristi, Gotzon Martín eta Luis Ángel Maté -Jon Aberasturik seigarren etapan utzi zuen lasterketa- dira 2024ko Vueltan lehian jarraitzen duten zazpi txirrindulariak, Jorge Azanza eta Pello Olaberriaren kirol zuzendaritzapean.

Hurrengo etapak:

• Abuztuak 29, osteguna. 12. etapa: Ourense – La Manzaneda, 137,5 km. Irteera: 14:19 / Helmuga: 17:22-17:40
• Abuztuak 30, ostirala. 13. etapa: Lugo – Ancares, 176 km. Irteera: 13:07 / Helmuga: 17:17-17:44
• Abuztuak 31, larunbata. 14. etapa: Villafranca del Bierzo – Villablino, 200,5 km. Irteera: 12:37 / Helmuga: 17:16-17:45
• Irailak 1, igandea. 15. etapa: Infiesto – Valgrande-Pajares (Cuitu Negru), 143 km. Irteera: 13:51 / Helmuga: 17:20-17:42

Irailak 2, astelehena. Atseden eguna

• Irailak 3, asteartea. 16. etapa: Luanco – Lagos de Covadonga, 181,5 km. Irteera: 12:59 / Helmuga: 17:18-17:45
• Irailak 4, asteazkena. 17. etapa: Arnuero – Santander, 141,5 km. Irteera: 14:18 / Helmuga: 17:22-17:40
• Irailak 5, osteguna. 18. etapa: Gasteiz – Maeztu (Izki), 179,5 km. Irteera: 13:20 / Helmuga: 17:19-17:42
• Irailak 6, ostirala. 19. etapa: Logroño – Alto Moncalvillo, 173,5 km. Irteera: 13:29 / Helmuga: 17:19-17:42
• Irailak 7, larunbata. 20. etapa: Villarcayo – Picón Blanco, 172 km. Irteera: 13:06 / Helmuga: 17:17-17:44
• Irailak 8, igandea. 21. etapa: Madril – Madril, 24,6 km erlojupekoa. Irteera: 16:20 / Helmuga: 19:30