Ertzaintzak 20 eta 25 urte bitarteko bost gizon atxilotu ditu azken orduetan, lesio-delitu bat egotzita, ostiral goizaldean Andoainen izandako talde-eraso batean parte hartu zutelakoan. Eraso horren ondorioz, gizonezko bat zauritu zen. Biktima, aurpegian haustura larri samarrak zituela, osasun-zentro batera eraman zuten, zauriak sendatzeko.
Ikertutako gertakarien arabera, erasoa ostiral honetako (irailak 6) goizaldean gertatu zen, Andoainen (Gipuzkoa).
03:00ak aldera, Aginte eta Kontrol Zentroak Ublilluts auzoko gasolindegi batera joateko eskatu zien Hernaniko ertzain-etxeko zenbait patruilari; izan ere, gazte batzuek eraso egin ziotela adierazi zuen pertsona batek. Agenteak bertaratu zirenean, eraso baten ondorioz aurpegian kolpe ugari zituen gizon bat identifikatu zuten, eta horrek erasoaren ustezko egileen deskribapena eman zuen.
Ertzainek anbulantzia bat eskatu zuten kolpe ugarien biktima artatzeko. Ondoren, osasun-baliabide batek balorazioa egin zuen eta zauritua Tolosako Asuncion ospitalera eraman zuten, jipoiaren ondorioz zituen haustura eta lesio larri samarrak sendatzeko.
Biktimak ertzainei adierazi zienez, gasolindegira joan zen tabakoa erostera, eta gasolindegiko ordainketa-leihatilan zeudela, bi gazte hurbildu zitzaizkion eta liskar dialektiko bat hasi zuten haren aurka. Biktima eztabaida saihesten saiatu zen, eta, alde egitean, bi gazteak jazarri eta eraso egin zioten, ukabilkadak eta ostikoak emanez. Aldi berean, gazte-talde bereko beste kide batzuk hurbildu zitzaizkion, kanpoko terraza batean edariak kontsumitzen ari zirenak, eta bat egin zuten biktima erasotzen.
Ertzainek erasoa hasi zuten bi gazteak identifikatu eta atxilotu zituzten, lesio-delitu bat egotzita.
Azken orduetan, Ertzaintzak egindako ikerketei esker, taldeko eraso horretan parte hartu zuten beste hiru gazteak identifikatu eta atxilotu dituzte. Atxilotutako bost gizonak, 20 eta 25 urte bitartekoak, ertzain-etxean daude, instruitutako eginbideak amaitu arte, epailearen esku uzteko.
Maria Chivite Navascues Nafarroako Lehendakariak Altzuzako Jorge Oteiza Fundazio Museoa bisitatu du gaur goizean. Bertan,…
Mikel Irujo Nafarroako Gobernuko Industriako eta Enpresen Trantsizio Ekologiko eta Digitalerako kontseilariak MONDRAGON Korporazioaren proiektua bisitatu du…
Haur eta Lehen Hezkuntzako Nafarroako hamabost ikastetxe egokitu dira Laguntza programara, eskola-jazarpena eta -ziberjazarpena, indarkeria…
Nafarroako Gobernuak bat egingo du datorren asteburuan Bakearen Nazioarteko Egunarekin, Ekialde Hurbileko Palestinar Iheslarientzako Nazio…
Gorroto-diskurtsoei aurre egiteko prestakuntza, Etxebizitzako, Gazteriako eta Migrazio Politiketako Departamentuak Nafarroako Gazteriaren Institutuaren bidez sustatua,…
Kultura, Kirol eta Turismoko kontseilari Rebeca Esnaolak gaur aurkeztu du irailaren 27tik urriaren 6ra bitartean…