Amaia Barredo: «Euskal gizarteak gehien behar dutenekin duen konpromisoa bikaina da, hala nola Caritas´entzako Olarizuko» pintxo solidarioa «

Olarizuko erromeria, Gasteiz, HAZI-Eusko Jaurlaritzaren ekimena: «Elkartasuna ez dago krisian«

Amaia Barredok, Eusko Jaurlaritzako Elikadura, Landa Garapen, Nekazaritza eta Arrantza sailburuak, «euskal gizarteak gehien behar dutenekiko ikusten duen elkartasun eta konpromiso bikaina» nabarmendu du, «gaur arratsaldean Gasteizko Olarizuko erromerian egiaztatu ahal izan denez, Eusko Labeleko» pintxo solidarioan», zeinaren diru-bilketa Caritas´ek egiten duen».

Sailburuak Olarizuko erromerian egindako hainbat ekitalditan parte hartu du gaur arratsaldean, Gasteizko mendi gailurraren azpian dauden zelaietan, Gasteizko udaleko eta gizarteko hainbat ordezkarirekin batera.

Eusko Label txahal-pintxo solidarioa Eusko Jaurlaritzako Elikadura, Landa Garapen, Nekazaritza eta Arrantza Sailaren mendeko HAZI erakundearekin antolatzen da, «Elkartasuna ez dago krisian» ekimenaren barruan. Bildutako diru-kopurua Caritasentzat izango da.

Eusko Labelen zigilua duen «burruntzi» txahala Karlos Ibarrondok erre du egun osoan, 18:30´etatik aurrera dastatzeko, haragi pintxoen eran. Ekitaldia Eusko Jaurlaritzako Elikadura, Landa Garapen, Nekazaritza eta Arrantza Sailak, HAZIk eta Gasteizko Udalak antolatu dute. Pintxoen banaketaz Caritas arduratzen da. Ekintza duela urte batzuetatik antolatzen da.

Olarizuko erromeria iraileko bigarren astelehenero egiten da, Euskadiko hiriburuaren mugako mugarrien ibilbidea ardatz hartuta. Hainbat jarduera egiten dira, besteak beste, gailurrera igotzea, herri-babarrunak, euskal kirola eta dantza, kukaniak eta haur-jolasak