24_0516 Tres detenidos por robo con violencia en Bilbao la Vieja
Hiru atxilotu Bilbo Zaharrean indarkeriaz lapurtzeagatik
Servicio de prensa
2024-09-17
Ertzaintzak hiru pertsona atxilotu ditu gaur goizaldean Bilbon, oinezko bati diru-zorroa eta telefono mugikorra lapurtzeagatik. Biktima ospitalera eraman behar izan dute gorputzeko hainbat ataletan kolpeak jaso ondoren.
Lapurreta goizaldeko ordu bata eta laurden inguruan gertatu da, Bilbo Zaharrean. Inguru horretan zebilen herritar bati hiru pertsona hurbildu zaizkio, eta hainbat kolpe eman dizkiote aurpegian eta gorputzean. Ertzaintzaren patruila bat erasoaren lekuko izan da, eta, ibilgailutik jaitsi ondoren, agenteek bi egile geldiarazi dituzte ihes egiten saiatzen ari zirela, lapurtutako objektuak berreskuratuz. Indarkeriaz egindako lapurretan inplikatutako hirugarrena handik gutxira atxilotu dute, handik gertu.
Bestalde, biktima osasun-zentro batera eraman dute, zituen lesioak artatzeko.
22 eta 28 urte bitarteko atxilotuak datozen orduetan utziko dituzte epailearen esku.