Irailaren 18a, Soldata Berdintasunaren Nazioarteko Egunaren bezperan, Emakundeko zuzendari Miren Elgarrestak iragarri du «Euskadin soldata-arrakala murrizteko estrategia»-ren hirugarren ekintza planean (2025-2030) Jaurlaritzako sail guztiak inplikatuta egotea aurreikusten duela. Estrategia 2018an onartu zen, eta bigarren ekintza-planean (2022-2025) 9 sailek parte hartu dute. Une honetan, 2022-2025 ekintza-plana garatzen ari da, eta 74 neurri ditu guztira. Horietatik, %80 baino gehiago ezarri dira osorik edo neurri batean.
Emakundek koordinatzen duen estrategia horren helburua da Euskadi soldataarrakala txikiena duten Europako herrialdeen artean kokatzea 2030. urterako. Emakumeek, batez beste, gizonek baino ia 6.000 euro (5.700) gutxiago kobratzen dute urtero. Urteko batez besteko irabazia 35.095 eurokoa da gizonentzat eta 29.314 eurokoa emakumeentzat (INEren 2022 datuak). Beraz, EAEn % 17,8ko soldata-arraila dagoela esan daiteke.
Soldata-arrakala murrizteko erronken artean, Emakundeko zuzendariak honako hauek nabarmendu ditu: “Lanbide-segregazioa murriztea, sexuaren araberako okupazio-segregazioa baita soldata-arrailean gehien eragiten duen faktorea, %35eraino; berdintasunetik eta berdintasunerako hezkuntzan sakontzea, rolak eta estereotipoak gainditzen joateko; gizarte-erantzukidetasuna bultzatzea, gizonen inplikazioa areagotuz; eta zaintzak demokratizatzea, instituzioen, pertsonen eta familien zaintzaren oreka berria lortzeko, lehenengoa indartuz”.
Ertzaintzako agenteek bi gizon atxilotu dituzte iruzurrez gizarte-laguntzetan 300.000 euro inguru jaso ostean. Euskal Enplegu…
Atzo eguerdian, Ertzaintzako agenteek 32 urteko gizon bat atxilotu zuten, segurtasun-enpresa bateko dirua biltzeko furgoneta…
Iraila iristearekin batera, Barakaldoko Udalaren gazte-aisialdirako plataformak bere jarduerari ekingo dio berriro egunotan. Horretarako, zerbitzu…
Programa 16 eta 29 urte bitarteko pertsonei zuzenduta dago, eta Lanbide-Euskal Enplegu Zerbitzuak Berreskurapen, Eraldaketa…
Barakaldoko Udaleko Garapen Jasangarriaren eta Ingurune Naturalaren Arloak «Metrominuto» bultzatu du. Mapa sinoptiko bat da,…
Zarauzko Udal Euskaltegiak 2024-2025 ikasturteari hasiera eman dio. Aurtengoa, euskaltegiaren 42. ikasturtea izango da eta,…