Ertzaintzak 19 eta 21 urteko bi gazte atxilotu ditu Gasteizen, azken hilabeteetan hirian indarkeriaz egindako zortzi lapurretaren ustezko egileak direlakoan. Lapurreta horietako gehienetan elkarrekin parte hartu dute.
Azken bi hilabeteetan, Ertzaintzak ikerketa bat irekita izan du Arabako hiriburuko hainbat gunetan indarkeriaz egindako lapurreten inguruan. Antzeko modus operandi batekin egin dira lapurretak, eta bat datoz egileen ezaugarri fisikoak. Erasotzaileek bide publikoan heltzen zieten biktimei, eta agresibitate izugarria erabiltzen zuten haiekin, beren gauzak eskuratzeko, eta pertsona horietako batzuk bereziki kalteberak ziren.
Egindako ikerketen ondorioz, 19 eta 21 urteko bi gazte identifikatu zituzten, ustez delitu horietan inplikatuta zeudelakoan, eta kasu gehienetan batera jardun zuten. Beharrezko baieztapenak egin ondoren, astearte arratsaldean susmagarriak atxilotu zituzten, eta hurrengo egunean haien bizilekuan sartu eta miatu egin zuten, bertan lapurtutzat salatutako tresna aurkitu zituzten. Aurkikuntza horiei esker, hainbat kasu argitu ahal izan dira.
Atxilotuei gutxienez indarkeriaz egindako zortzi lapurreta egotzi zaizkie, eta ikerketa zabalik dago, salatutako antzeko beste ekintza batzuetan parte hartu duten zehazteko.
Ertzain-etxean beharrezko eginbideak amaitu ondoren, gaur aurkeztu dituzte biak epailearen aurrean. Gaur arratsaldean epaileak espetxean sartzeko agindua eman du.
24_0531 Kartzelan sartu dute Donostian izandako sexu-eraso baten ustezko egilea Kartzelan sartu dute Donostian izandako…
Oriako ertzain-etxeak urtarrilaren 27an Ordizian izandako gertakari batzuen inguruan egindako ikerketaren ondorioz, zerbitzutik kanpo zegoen…
• Ustezko bi erantzuleei, ama-semeei, legez kanpoko atxiloketa leporatu diete, eta prebentziozko espetxealdian daude epailearen…
Gaur, osteguna, irailak 26, Gobernu Kontseiluan onartu dira ere irakasle laguntzaile doktoreen 27 plaza berri,…
Lorea Argarate Zubia (Bilbo, 1990) izan da Gladys Sariaren IV. edizioko irabazlea, eta PUNTUEUS eta…
23 udal zerga eta tasetatik 12 aldatuko dira Donostiako Udalbatzarrak 2025ko udal zerga-arauak onartu ditu…