Urriaren 7tik 25era, familiei eta haurrei euskaraz jolasteko baliabideak emateko
Urriaren 7tik 25era izango da Parketarrak, haurrak euskaraz jolasean aritzeko ekimena, Donostiako 22 jolasgunetan. Hezitzaileek dinamizatutako jokoak dira eta Udaleko Euskara Zerbitzuak jartzen ditu herritarren eskura. Parketarrak doakoa da, eta, parte hartzeko, parkera joan eta dinamizatzaileekin jolasten hasi besterik ez da egin behar.
Astelehenetik ostiralera egingo da Parketarrak, ohi denez arratsaldez, honako 22 auzotan:
Aipatu auzo horietako plazetan eta parkeetan haurrak eta gurasoak bi taldetan bilduko dira: Zabu Zibu izeneko taldean 3-5 urte arteko haurrak eta haien arduradunak; eta Txirrintxon deiturikoan, 6-9 urte bitarteko umeak.
Jolasa da jardueraren funtsa, erreminta ezin hobea delako hizkuntza barneratzeko, eta jolasguneetan jartzen diren dinamizatzaileak dira jarduera gidatzeaz arduratzen direnak.
Aurten, uda aurreko txandan, maiatzean, 1.000 haurrek eta 250 gurasok parte hartu zuten Parketarrak jardueran. Datuok adierazten dute jarduera diberitigarria eta erakargarria dela eta haurrek zein helduek gustura hartzen dutela parte.
Donostiako Udaleko Euskara Zerbitzuak auzoetako euskara batzordeekin elkarlanean antolatzen du Parketarrak. Hiru asteko txanda horietan, saioak astelehenetik ostiralera izaten dira. Auzo bakoitzak bere asteguna dauka, eta informazio guztia txandak hasi aurretik zabaltzen da.
Hemen urriko egutegia
Ertzaintzako agenteek 46 urteko gizon bat atxilotu zuten atzo Andoainen, substantzia estupefazienteen trafiko-delitu bat egotzita.…
La Diputación Foral de Bizkaia arranca la temporada de Deporte Escolar 2024-2025 con el lanzamiento…
Ayer por la tarde la autoridad judicial decretó el ingreso en el centro penitenciario de…
Los hinchas del Anderlecht rompieron ayer el cristal de protección del Reale Arena y lanzaron…
El partido de fútbol que se celebró ayer en el Reale Arena entre la Real…
Ernesto Valverde, entrenador del Athletic Club, ha comparecido feliz tras la victoria 2-0 de los…