UPV/EHU, Arabako Campuseko Farmazia Fakultateko Nanobiocel ikertaldearen bidez, parte hartzen ari da UNLOOC (Unlocking the data content of Organ-on-Chips) izeneko Europako ikerketa proiektu berri batean, helburu duena iraultzea farmako, sendagai, kosmetiko eta konposatu kimiko berriak garatzeko eta probatzeko modua. UNLOOC proiektuaren xedea da gainditzea animaliekin eginiko saiakuntzen mugak eta arazo etikoak, ikerketa biomedikorako Organ-on-Chips (OOC) eredu aurreratuagoak, zehatzagoak eta eraginkorragoak sortuta.
Proiektua martxan jarri zen 2024ko maiatzean, Jena hirian (Alemania), eta 3 urte iraungo du. Europako 10 herrialdetako 51 erakunde parte hartzen ari dira, eta horien artean daude enpresak eta unibertsitate eta ikergune independenteetako ikertaldeak.
Proiektuak 68 milioi euroko aurrekontua du, honako erakunde hauek finantzatua: 14 milioi, Chips Joint Undertaking; 3 milioi, Suitzako Hezkuntza, Ikerketa eta Berrikuntzako Estatu Idazkaritza; 18 milioi, agentzia nazionalak; eta 33 milioi, bazkideen berezko ekarpenak.
Gaur egun, animalia ereduek giltzarri izaten jarraitzen dute farmako berrien eraginkortasuna eta segurtasuna aztertzeko saiakuntza aurreklinikoetan. Hala ere, eredu horiek eragozpen kritikoak dituzte:
Erronka horiei erantzuteko, UNLOOC proiektuak Organ-on-Chips (OOC) plataforma berriak garatu nahi ditu, giza funtzio biologikoak zehatz-mehatz erreplikatzeko eta proba zehatzagoak eta etikoagoak egiteko. UNLOOC partzuergoa oinarrituko da farmakoak eta konposatu kimikoak probatzeko modua aldatuko duten funtsezko bost aplikaziotan, eta arreta berezia jarriko du OOC teknologien industrializazioan eta merkaturatzean.
UPV/EHU funtsezko eragile izan da giza azala fideltasun handiz erreproduzitzen duen 3D larruazal ehun artifizial baten garapenean. Aurrerapen hori alternatiba lehiakor eta etiko bat da, animalia ereduen eta larruazalaren beste ordezko komertzial batzuen aurrean. 3D bioinprimaketaren bidez, epitelio homogeneo eta baskularizatu bat sortuko da, larruazal errealaren ezaugarri estrukturalak eta funtzionalak laburbilduko dituena. Berrikuntza hori funtsezkoa izango da ebaluatzeko farmakoen eta konposatu kimikoen xurgapena eta ondorioak, giza larruazalaren portaera imitatzen duten baldintzetan.
Plataforma hauek garatzeak, saiakuntza farmakologikoen kostua eta iraupena murrizteaz gain, hobetu egingo du farmako berrien segurtasuna, emaitza zehatzagoak emango dituelako gizakientzat. Teknologia hau erabilita, UPV/EHU eta partzuergoko bazkideak bidea errazten ari dira etorkizunean animaliekin eginiko probak desagerrarazteko, hobetuz horrela bai zientzia bai animalien ongizatea.
Ertzaintzako eta Pasaiako Udaltzaingoko agenteek bertako San Pedro barrutian izandako liskar iskanbilatsu batean inplikatutako zazpi…
Ertzaintzak 18 urteko gazte bat atxilotu du Tolosan, bide publikoan masturbatzea eta emakumeei, kasu batzuetan…
Aurten, ia mila pertsonak parte hartu dute Cristina Enea Fundazioak udaberrian eta udan antolatutako jardueretan…
2023ko lehen edizioan publikoaren erantzun oso ona jaso ondoren, bueltan da Bunker, diskoak, liburuak, bildumagileentzako…
Tras el éxito de ventas del concierto que Bruce Springsteen and The E Street Band…
Durante toda la jornada hoy el Departamento de Seguridad del Gobierno Vasco mantendrá activo un…