Gaur, Landa Eremuko Emakumeen Nazioarteko Eguna
Amaia Barredo Eusko Jaurlaritzako Elikadura, Landa Garapen, Nekazaritza eta Arrantzako sailburuak landa-eremuan genero-berdintasunarekin duen konpromisoa berretsi du, “emakumeek bizitza publikoan, gizonen baldintza beretan, modu aktiboan parte hartzea bultzatzen duten politikak sustatuz. Amaia Barredoren ustez, “lehen sektorean aktibo berriak, kasu honetan emakume gazteak, sartu” behar dira.
Landa Eremuko Emakumeen Nazioarteko Egunean, Amaia Barredok berretsi du beharrezkoa dela “oraindik ere gure komunitateetako emakumeen garapena mugatzen duten genero-rolak eta -estereotipoak ezabatzea, erantzunkidetasunean eta orekan oinarritutako gizarte-konfigurazioaren alde lan eginez”.
Sailburuak eskatu du “lankidetza publiko-pribatua landa-eremuko emakumeak eraldaketa ekonomikoaren erdigunean koka daitezen, ekonomia berde eta digital bat eraikitzen aktiboki parte hartuz. Aldezten dugu beharrezkoa dela bidezko lan-baldintzak sortzea, soldata-aldeak murriztuz eta emakumeen enplegu- eta ekintzailetza-aukerak hobetuz”.
“Eusko Jaurlaritzatik eskerrak eman nahi dizkiegu Euskadiko landa-eremuko emakume guztiei euren ahaleginagatik, ausardiagatik eta gure gizarteari egindako ezinbesteko ekarpenagatik. Landa-ingurune justuagoa, berdintasunezkoa eta jasangarriagoa eraikitzeko lanean jarraituko dugu”, adierazi du.
Euskal Autonomia Erkidegoan landa-eremuko 128.947 emakume bizi dira: Araban 25.701, Bizkaian 60.237 eta Gipuzkoan 42.319. Horien % 38 12 urtetik 44 urtera bitartekoak dira, % 28 45 urtetik 64 urtera bitartekoak, eta gainerakoak 65 urtetik gorakoak. Eustaten arabera, landartzat hartzen dira Euskadiko udalerrien % 73, autonomia-erkidegoko biztanleriaren % 14. Landa-eremuan bizi diren emakumeak biztanleriaren % 49 dira, eta hiri-eremukoa baino ehuneko txikiagoa da, hirietan % 52tik gorakoa baita.
Normalean jasotzen denaren kontra, landa-eremua ez dago hiri-eremua baino zahartuago; alderantziz, landa-eremuko emakumeen % 22k baino ez dituzte 65 urtetik gora, eta hiri-eremuan, aldiz, % 26ra iristen dira.
Villabonako Udaltzaingoaren eta Ertzaintzaren arteko lankidetzari esker, 42 urteko gizon bat atxilotu dute, iragan ostiralean…
Ertzaintzako agenteek gizon bat atxilotu dute gaur goizaldean Bilboko Irala auzoko garaje komunitario batean aparkatuta…
Ertzaintzak bost gazte atxilotu ditu, 21, 22, 23, 25 eta 29 urtekoak, Iruña Okako enpresa…
Zarauzko Udaleko Gizarte Zerbitzuek, Prebentzio arlotik, “Garapen emozional osasuntsua” tailerra antolatu du, 6- 12 urte…
Berdintasun Departamentuak ekimen berri bat jarri du abian emakumeak, kasu honetan landa-ingurunekoak, ikusarazteko eta haien…
Eusko Jaurlaritzako Etxebizitza eta Hiri Agendako sailburu Denis Itxasok eta Zarauzko Alkate Xabier Txurrukak Saila…