Ertzaintzak Juan José Pacheco Cano omendu du, ETAk 1988ko urriaren 16an hildako agentea

Ertzaintzak Juan José Pacheco Cano omendu du, ETAk 1988ko urriaren 16an hildako agentea

Duela 36 urte ETAk hildako Juan José Pacheco Cano ertzaina gogoratzeko beste ekitaldi bat egin du gaur arratsaldean Ertzaintzak Zumarragan. Omenaldian izan dira Ertzaintzako buru Josu Bujanda, Ertzaintzaren Zuzendaria Victoria Landa, Herritarren Babeserako Alorreko buru Alfonso Garaikoetxea, beste agintari, lankide ertzain eta familiaren ordezkari batzuekin batera. Zumarragako ertzain-etxean egindako ekitaldian, lore-eskaintza egin da, eta minutu bateko isilunea egin da.

Memoria ekitaldi hori gaur eguerdian egin da Ertzaintzaren polizia-unitate eta -zentro guztietan, eta minutu bateko isilunea egin da bere oroimenez.

Juan José Pacheco 1988ko urriaren 16an hil zuen ETAk, Legazpin, Brinkolako tunelean jarritako tranpa-bonba batek eztanda eginda, Madril-Irun trenbidean.

Memoriarekiko konpromisoa

ETAk Ertzaintzako 15 agente hil zituen 1985 eta 2001 artean:

1. Carlos Díaz Arcocha (1985).
2. Genaro García de Andoain Larrinaga (1986).
3. Juan José Pacheco Cano (1988).
4. Luis Hortelano García (1989).
5. Alfonso Mentxaka Lejona (1991).
6. Joseba Goikoetxea Asla (1993).
7. José Luis González Villanueva (1995).
8. Iñaki Mendiluze Etxeberria (1995).
9. Ramón Doral Trabadelo (1996).
10. José María Aguirre Larraona (1997).
11. Jorge Díez Elorza (2000).
12. Mikel Uribe Aurkia (2001).
13. Iñaki Totorika Vega (2001).
14. Javier Mijangos Martínez de Bujo (2001).
15. Ana Isabel Arostegui Legarreta (2001).

Jaitsi erantsitako dokumentua

Jaitsi erantsitako dokumentua

Jaitsi erantsitako dokumentua