24_0575 Irun, etxe batean lapurreta egin nahian harrapatu dute
Servicio de prensa
2024-10-18
Ertzainek 38 urteko gizon bat atxilotu zuten atzo, osteguna, goizeko lehenengo orduan, Irunen, etxebizitza batean lapurreta egin nahian harrapatu ondoren. Atxilotua perimetroko hesiaren gainetik jauzi eginda eta, ondoren, etxeko atea behartuta sartu ahal izan zen etxera.
Atzo goizeko zortziak baino lehentxeago, Irungo Ertzain-etxeko herritarren babeserako patruila bat bertako etxebizitza batera joan zen, bertako intrusio-alarma aktibatu zela jakin ondoren. Iritsi zirenean, patruilako kideek bi motxila zeramatzan gizon bat ikusi zuten etxea inguratzen zuen hesiaren ondoan, alde egitera joango balitz bezala.
Susmagarria identifikatu egin zuten, eta egiaztatu ahal izan zuten hesiaren gainetik jauzi egin eta sarrerako atea behartuta sartu zela barrura. Agenteek ikusi zuten ateak kalteak zituela. Aldi berean, egiaztatu zuten etxean instalatuta zegoen alarma manipulatuta eta etxeko hainbat gela hankaz gora zeudela, eta berehala atxilotu zuten, beraz, indarra erabiliz lapurreta egitea leporatuta.
Atxilotua polizia-egoitzara eraman zuten gero, zegozkion eginbideak betetzeko, agintari judizialaren eskuetan jarri aurretik.
Ekide Ekide enpresa industriala da, 1990ean sortua eta Arrasaten kokatua. Gaur egun, fabrikaziorako hiru lantegi…
Arabako Emakume Profesional eta Enpresarien Elkarteak (AMPEA) emandako azken aitortzetako bat Elena Guede euskal exekutiboak…
Atzo egindako bilerarekin, erakundeen arteko talde eragileak hasiera eman zitzaion Busturialdea-Urdaibairi buruzko hausnarketa integral eta…
Ertzainek gizon bat atxilotu zuten atzo, asteazkena, joan den irailean Eako etxe batean lapurreta egitea…
P4Q enpresa bizkaitarra Alonsotegin sortu zen orain dela 25 urte, eta fabrikazio elektronikoa eta eguzki-energiarako…
1992an sortu zenetik, Walter Pack enpresa bizkaitarra erreferente globala izan da pieza dekoratibo eta funtzionalen…