Ertzaintzako agenteek atxilotu egin dute gaur, larunbata, goizaldean, Zigoitian ezarritako polizia-kontrol bat gainditu duen 27 urteko gidari bat jazarpenaren ostean. Ihesean, arrisku larria sortu du zirkulazioan, eta polizia-ibilgailuaren aurka talka egin du. Harrapatu dutenean, patruilari eraso egiten saiatu da.
Goizaldeko ordu bata baino lehentxeago, Zigoitiko AP-1eko irteeran alkoholaren eta drogen prebentziozko kontrol bat ezarrita zuen Arabako Trafiko Unitateko dotazio batek auto bat geldiarazi du, eta beharrezko jarraibideak eman dizkio gidariari eta bidaiari bakarrari. Ustez dagozkion probak egiteko seinalatu zioten segurtasun-eremura zihoanean, bat-bateko maniobra egin, martxa bizkortu eta abiadura handian ihes egin du.
Patruila bat autoaren atzetik atera da, eta ihesean, arrisku handiko egoerak eragin ditu gainerako bide-erabiltzaileentzat. Hala, ibilgailua harrapatu eta kilometro batzuk aurrerago geldiarazi dute, gidaria polizia-ibilgailuaren albotik nahita talka egitera iritsi denean, eta hainbat kalte eragin dizkio.
Susmagarria oso bortizki aritu da une oro ertzainei eraso egiten, eta, horregatik, atxilotu egin dute bide-segurtasunaren aurkako bi delitu egotzita, ausarkeriaz gidatzeagatik eta atentatua egiteagatik.
Jarraian, ertzain-etxera eraman dute atxilotua, beharrezko eginbideak egiteko, epailearen esku utzi aurretik.
Ertzaintzako agenteek 21 eta 25 urteko bi gizon atxilotu dituzte Sopelan, etxebizitza batean lapurtzen saiatzea…
Ertzaintzako agenteek 16 urteko gazte bat atxilotu zuten atzo arratsaldean, droga-trafikoko ustezko delitu bat egotzita,…
24_0648 Gizon bat atxilotu dute hilketa delitu batengatik, Gasteizko adinekoen egoitza batean beste pertsona bati…
PRUEBA Donostiako Udalaren Musika eta Dantza Eskolak bat egingo du GIBaren eta HIESaren aurkako…
PRUEBA 6.000 pertsona inguru erregistratu dira, jardueraren lehen bi egunetan, bonobarakaldo.inguralde.eus plataforman, Barakaldoko Udalak…
PRUEBA Datorren abenduaren 3an ospatuko den Euskararen Egunerako tradizioari eutsiko dio Barakaldok. Udalak, Euskara…