24_0602 Euskadiko Larrialdi Zerbitzuek Adarra mendian istripua izan duen mendizale bat erreskatatu dute
Euskadiko Larrialdi Zerbitzuek Adarra mendian istripua izan duen mendizale bat erreskatatu dute
Prentsa Zerbitzua
2024-11-03
Ertzaintzak emakume bat erreskatatu du Urnietan, Adarra mendiaren inguruan oinez ibiltzen ari zela istripua izan ostean. UVRren helikopteroak erreskatatu du eta anbulantzian eraman dute Donostiako Unibertsitate Ospitalera.
Larrialdi Zerbitzuek goizeko hamaikak aldera jaso dute abisu bat, ohartaraziz emakume bat erori zela Urnietako Adarra mendian, eta belaunean lesio bat zuela, jarraitzea eragozten ziona.
Ertzaintzaren Zaintza eta Erreskate Unitateko kideak bertaratu dira, helikopteroz, eta mendizalea eremu seguru batera eraman dute. Han, anbulantzia bat zegoen, 44 urteko zauritua Donostiako Unibertsitate Ospitalera eramateko zain.