24_0603 Bi lagun atxilotu dituzte Donostian hilketa saiakeragatik
Prentsa Zerbitzua
2024-11-04
Gaur gauerdian, Ertzaintzako agenteek 29 eta 37 urteko bi gizon atxilotu dituzte Gipuzkoako hiriburuan, hilketa saiakera egotzita. Biktima ospitalera eraman dute, buruan zauri larriak zituela.
Gertakariak atzo gaueko hamaika eta erdiak inguruan izan ziren, Donostiako autobus geltokiaren kanpoaldean. Antza denez, gertatutakoaren lekukoen arabera, eztabaida batean hiru pertsonak parte hartu ondoren, horietako bik hirugarren bati eraso egin diote eta kalean utzi dute. Behin lurrean, erasotzailerik gazteenak ostikoak eman dizkio buruan, konorterik gabe utzi duen arte.
Lekukoek SOS DEIAK 112 Larrialdi Zerbitzuari deitu diote, eta Ertzaintzaren patruilak bertaratu dira. Biktimak arnasa hartzeko zailtasunak zituen eta haustura bat izan zezakeen buruan. Hori dela eta, ospitalera eraman dute.
Erasoaren egileei buruzko datuak lortu ondoren, ertzainek ingurua miatu dute eta geltokiaren inguruan aurkitu dituzte. Bertan atxilotu dituzte, giza hilketa saiakera egotzita.
Atxilotuak ertzain-etxean daude, epailearen esku uzteko beharrezko eginbideak amaitu arte.
24_0608 Ertzaintzaren Txakur-unitatea Valentziara abiatu da desagertutako pertsonak aurkitzen laguntzeko Ertzaintzaren Txakur-unitatea Valentziara abiatu da…
Sestaoko ertzain-etxeko agenteek bi gizon atxilotu dituzte, azaroaren 1ean Barakaldon indarkeriaz lapurtzea egotzita. Atxilotuek gizon…
Ibarmia enpresak Azkoitian du egoitza nagusia eta makinak eta erremintak fabrikatzen ditu. 1953an sortu zenetik,…
A partir de mañana, jueves 7 de noviembre, y hasta el domingo, día 10, la Policía…
Un convoy con otros 17 efectivos del Servicio de Prevención, Extinción de Incendios y Salvamento…
La “VI Reunión Nacional de Ergoespirometría” organizada por la Sociedad Española de Cardiología en colaboración…