Sestaoko ertzain-etxeko agenteek bi gizon atxilotu dituzte, azaroaren 1ean Barakaldon indarkeriaz lapurtzea egotzita. Atxilotuek gizon bati eraso egin zioten kalean, soinean zeraman erlojua lapurtzeko. Biktimak osasun-laguntza behar izan zuen.
Sestaoko ertzain-etxeko agenteek azaroaren 1ean ikertu zituzten gertakariak, Barakaldon. Bikotekidearekin paseatzen ari zen adineko gizon bati eraso egin zioten kontrako espaloitik zihoazen bi gizonek. Batek eskumuturretik heldu eta soinean zeraman erlojuari tira egiten zion bitartean, besteak bizkarretik heldu zion. Erlojua kentzea lortu ondoren, batek bularrean jo zuen, eta besteak zangotraba jarri zion. Erorarazi eta lesio batzuk eragin zizkion, eta San Eloy Ospitalean artatu behar izan zuten.
Egindako ikerketek eta salatzailearen lankidetzak, erasotzaileak identifikatuz, horietako bat atxilotu zuten atzo, asteartea, Barakaldon, indarkeriaz egindako lapurreta delitu bat egotzita. Aurrekari polizialak ditu, 21 urtekoa, eta atxiloketa eta ikerketa ugari izan ditu antzeko gertakariengatik. Bigarren egilea, 19 urtekoa, udalerri berean atxilotu dute gaur eguerdian, Bizkaiko Inteligentziako Lurralde Bulegoaren laguntzari esker.
Biak ertzain-etxean daude, beharrezko eginbideak egiteko, epailearen esku utzi arte.