Ertzaintzaren Txakur-unitatea Valentziara abiatu da desagertutako pertsonak aurkitzen laguntzeko

Ertzaintzaren Txakur-unitatea Valentziara abiatu da desagertutako pertsonak aurkitzen laguntzeko

Joan den asteartetik, euskal erakundeek etengabeko komunikazioa dute Valentziako Generalitatearekin, DANA igaro ondoren errekuperazio-lanetan laguntzeko beharrizan zehatzak zein diren zuzenean ezagutzeko. Helburua, hasieratik, laguntza Valentziara ahalik eta modu antolatu eta eraginkorrenean iristea izan da.

Valentziako Generalitateak Ertzaintzaren txakurren unitateko kideak eskatu dizkio gaur idatziz Eusko Jaurlaritzari, desagertutako pertsonak aurkitzen laguntzeko. Eusko Jaurlaritzak berehala aktibatu du txakurren unitatea, eta sei agente eta beraien txakurrak (3) abiatu dira Valentziara:

Euskadik baliabide hauek ere bidaliko ditu Valentziara:

• Lur orotako 10 ibilgailu DANAk kaltetutako eremuetatik ibilgailuak eta tamaina handiko objektuak erretiratzen laguntzeko (gaur egun ibilgailu horiek Polizia eta Larrialdietako Euskal Akademian agente berriak prestatzeko erabiltzen dira)
• Mekanikari bat eta ordezko materiala ibilgailuentzat
• Bi agente ibilgailuen erabilera kudeatzeko
• 51.500 markarilla FFP2
• 2.065 gomazko bota pare

Gainera, Valentzian igandetik berreskuratze lanetan ari diren larrialdietako zerbitzuetako, suhiltzaileetako, DYAko eta Gurutze Gorriko 100 pertsona baino gehiagori dagoeneko erreleboa eman zaie.

Nola lagundu

Valentziako Generalitateak lagundu nahi duten herritarren eta elkarteen eskura atari hau jarri du SOM SOLIDARITAT  DANAk kaltetutako pertsonentzako laguntzak eta dohaintzak bideratzeko.

Euskal erakundeek gomendio hauek azpimarratu nahi dituzte.

Jaitsi erantsitako dokumentua

Jaitsi erantsitako dokumentua