24_0621 Ertzaintzak Donostian emakume bati sexu-erasoa egiteagatik atxilotuako gizona espetxeratu dute
Servicio de prensa
2024-11-16
Ertzaintzak 26 urteko gizon bat atxilotu zuen atzo Donostian, ostegun gauean Intxaurrondo auzoan oinez zihoala emakume bati sexu-erasoa egiteagatik. Gaur goizean espetxeratu dute, epailearen aurretik igaro ostean.
Gertakariak joan den ostegunean izan ziren, 22:00etan, Donostiako Intxaurrondo auzoan. Kalean zihoan emakume bati gizon batek labana batekin mehatxu egin zion eta sexu-harremanak izatera behartu zuen.
Biktima bere etxera joan zen, eta familiari gertatutakoaren berri eman zion. Une horretatik aurrera, sexu-erasoen biktimei zerbitzu integrala emateko protokoloa aktibatu zen, eta laguntza eman zioten, bai ospitalean laguntzeko, bai Ertzaintzan salaketa jartzeko.
Donostiako ertzain-etxeko agenteek ikerketa bat hasi zuten biktimak emandako datuekin eta gertaeren begi-ikuskapenetik lortutako aztarnekin. Ostiral arratsaldeko lehen orduetan atxilotu zuten ustezko sexu-erasotzailea, eta ertzain-etxera eraman zuten beharrezko eginbideekin jarraitzeko. Behin horiek amaituta, atxilotua gaur goizean espetxeratzeko agindua eman duen epailearen aurrera eraman dute.
Ertzaintzak lau gizonezko (hiru heldu eta adingabe bat) atxilotu ditu ostiral gauean, Abanto-Zierbana udalerriko Putxeta…
24_0619 Bilbo, atxilotu bat hiru edukiontziri su emateagatik Bilbo, atxilotu bat hiru edukiontziri su emateagatik…
Ertzaintzak hiru pertsona atxilotu ditu gaur, ostirala, goizaldean, Trapagarango industrialde batean indarra erabiliz lapurtzea egotzita.…
Ertzaintzako agenteek 52 urteko gizon bat atxilotu zuten atzo, osteguna, arratsaldean Villabonan, bere tabernan substantzia…
PRUEBA La Institución foral va a construir un edificio anejo al actual de más…
PRUEBA Durante el juicio por la muerte de Santi Coca, el joven de 17…