24_0651 Santurtzi, ibilgailu baten leihatilatik kilo erdi haxix bota dituzte Ertzaintzaren patruila batek geldiarazi dituenean
Servicio de prensa
2024-11-29
Ertzaintzako agenteek 33 eta 34 urte bitarteko lau gizon atxilotu zituzten atzo arratsaldean, osteguna, Santurtzin, droga-trafikoko delitu baten ustezko egileak direlakoan. Inplikatuak ibilgailu batean zihoazen, eta leihatila batetik bostehun gramo haxix zituen poltsa bat bota zuten patruila bat ikusi zutenean.
Atzo arratsaldeko zazpiak eta hogei aldera, Muskizko ertzain-etxeko dotazio batek, Santurtziko Peñota auzoan herritarrak babesteko eginkizunak betetzen ari zela, ibilgailu bat modu aldrebesean eta itxuraz norabide argirik gabe zihoala ikusi zuen. Gauzak horrela, patruilak beste hiru lagun zeramatzan autoko gidariari esan zion gertuko aparkaleku batera eramateko, identifikatzeko.
Aipatutako aparkalekura sartu bezain laster, ertzainak ohartu ziren ibilgailuaren barrutik poltsa bat jaurtitzen ari zirela leihatiletako batetik. Bertan, ustez haxixa den substantzia marroi baten bost tableta zeudela egiaztatu ondoren, guztira bostehun gramokoak, laurak atxilotu zituzten droga-trafikoaren ustezko delitu bat egotzita.
Atxilotuetako bati arropen artean hainbat substantzia zeramatzaten beste bilgarri batzuk ere atzeman zizkioten. Atxilotuak epailearen aurrean aurkeztuko dira, polizia-eginbideak amaitu ondoren.
PRUEBA La cobertura que Osakidetza presta a la población en el cuidado de la…
PRUEBA El jugador del Athletic Club Yuri Berchiche ha comparecido ante los medios de…
PRUEBA Esta noche a las 21:00 horas se celebrará el partido de fútbol entre…
PRUEBA Hoy y mañana conductores de autobuses urbanos, interurbanos y estatales llevarán a cabo…
PRUEBA La subida de la inflación media del año ha llevado a la revalorización…
PRUEBA Más de 1,5 millones de luces led engalanarán la ciudad hasta el 6…