24_0662 Euskadiko Larrialdi Zerbitzuek Udalaitz gainean istripua izan duen mendizale bat erreskatatu dute
Euskadiko Larrialdi Zerbitzuek Udalaitz gainean istripua izan duen mendizale bat erreskatatu dute
Servicio de prensa
2024-12-01
Gaur, igandea, goizean, mendizale batek Ertzaintzaren helikoptero baten laguntza behar izan du, Udalaitz mendiaren tontorrean, Arrasaten, erori eta zauritu ondoren.
Goizeko hamar eta erdiak aldera, Sos Deiak 112 zerbitzuak jakinarazi du gizon batek istripua izan duela Udalaitz mendiaren tontorrean, eta buruan eta hanka batean lesioak zituela, eroriko baten ondorioz.
Ingurua zela-eta, Eusko Jaurlaritzako Larrialdiei Aurregiteko Zuzendaritzako teknikariek Ertzaintzaren helikoptero bat bidali dute bertara, Zaintza eta Erreskate Unitateko Mendi Ataleko agenteekin.
Polizia-aireontziaren bidez, zauritua erreskatatu eta Arrasateko errugbi zelaira eraman dute. Anbulantzia baten zain zegoen, eta Debagoieneko Ospitalera eraman dute.