PRUEBA
Azaroaren 21etik 23ra Évoran, Portugalen, egindako 14. Nazioarteko Tipografia Biltzarraren harira, Merit Award saria jaso zuten Eduardo Herrerak eta Leire Fernándezek, Arte Ederren Fakultateko Irudigintza Saileko irakasle eta UPV/EHUko «Letraz» Diseinu Grafiko eta Tipografia Ikerketa Taldeko zuzendari kideek.
Sari honen bidez, azken hogei urteotan, bi irakasleek elkarrekin, diseinu grafikoaren ikerketan, batez ere tipografiaren alorrean egindako ekarpen eta ibilbide luzea eta nabarmena aitortu nahi izan da. Haien ikerketaren barruan nabarmendu diren proiektuetako bat, sortze-metodologien garapenerako inspirazio-eredu gisa ere hartua, gure unibertsitatearen tipografia korporatiboaren diseinua izan da (EHU tipografia). Halaber, tipografia ondareen berreskurapenean eta biziberritzean egindako lana ere azpimarratu da, baita emaitzen hedatzean egindako ahalegina, liburu, aldizkarietako artikuluen eta hitzaldi eta tailerren bidez.
2010az geroztik, Portugalgo Tipografia Topaketa hau nazioarteko erreferentzia bihurtu da, ikerketa eta garapen tipografikoari buruzko hausnarketarako, ideiak eztabaidatzeko eta ezagutzak hedatzeko gune gisa. Ikertzaileen, irakasleen, ikasleen eta profesionalen parte-hartzearekin, Topaketa honek gero eta ahalegin handiagoa egiten du letrak sortzeari, hautatzeari eta erabiltzeari buruzko esperientzien trukea sustatzeko. Helburua da testuaren itxura eta komunikazioarekin erlazionatutako diseinuaren alderdi funtsezkoetan oinarritutako proiektu berriak sustatzea: forma, irakurgarritasuna, teknologia, historia, semiotika, psikologia, etab. Hau da, hitzaren irudia baldintzatzen duten dimentsio guztietan.
Portugalgo goi-mailako hezkuntzako hainbat erakundek antolatutako itinerantzia bidezko topaketa honetan, hamalaugarren edizioa Évorako Unibertsitateko Arte Eskolaren Ikusizko Arteen eta Diseinuaren Sailak antolatu du. Gertakariaren barruan, Eduardo Herrera eta Leire Fernández irakasleek, keynote speech baten bidez, tipografiaren arlo espezifikoan unibertsitateko ikerketa lanaren bidez landutako proiektuen laburpena erakutsi dute. Proiektu horiek, besteak beste, honako sari hauek jaso dituzte: «CLAP Platinum» Diseinu, Branding eta Komunikazioko Nazioarteko Saria, testurako tipografia onenarena (EHU tipografia); «Juan de Yciar» Kalitate Editorialeko Saria; «Urrezko Letra» Inguruneko Ikus Komunikazio eta Grafikoko Saria; «Urrezko Anuaria» Diseinu Grafikoko Sari Nazionala; eta «Urrezko Pelikanor» Ilustrazio Aplikatuaren Nazioarteko Saria.
25_0019 Gaur goizaldean Barakaldon seigarren solairutik erori den gizon baten heriotza ikertzen ari da Ertzaintza…
Barakaldo Kirolak continúa mejorando los servicios que ofrece a los clubes deportivos a través de…
Udaltzaingoaren bi agentek txatar egitera eraman behar ziren 45 bizikleta konpondu dituzte eta Paiporta eta…
Psifiacos osasun mentalerako software berritzailearen garapenean espezializatutako enpresa teknologikoa da. Gaur egungo ikuspegia ANNi garapenean…
El Instituto Vasco de Consumo, Kontsumobide, consciente de que «la energía es un bien de…
Eider Mendoza, diputada general de Gipuzkoa, ha podido comprobar de primera mano el impacto positivo…