24_0699 Hondarribiko etxebizitza batean lapurtzen ari zela «in fraganti» harrapatu dute
Ertzaintzak ustezko egilea atxilotu du
Prentsa zerbitzua
2024-12-17
Ertzaintzak 29 urteko gazte bat atxilotu zuen atzo goizean Hondarribian, etxebizitza batean lapurtzen harrapatu eta beste bi pisutako sarrailetan kalteak eragiteagatik.
Goizeko bederatziak baino lehentxeago gertatu zen, Hondarribiko (Gipuzkoa) alde zaharrean inor bizi ez zen eraikin batean. Ordu horretan, etxebizitzatik gauzak ateratzera joandako pertsona bat ohartu zen beheko solairuko leihoetako bat hautsita zegoela eta pertsona bat zegoela barruan.
Ertzaintzari abisua eman ondoren, bertaratutako ertzainak eraikinaren barrura sartu ziren, gela guztiak nahasita zeudela eta ustezko egilea barruan ez zegoela ohartuta. Kanpora irtetea ezinezkoa zenez, eraikinaren gainerakoa ikuskatu zuten, eta egiaztatu zuten beste bi solairutako ateetako sarrailek kalteak zituztela, eta susmagarria teilatu azpiko txapitula-gunean zegoela, eta han atxilotu zuten, indarra erabiliz lapurtzea egotzita.
Susmagarria ertzain-etxera eraman zuten beharrezko izapideak egiteko, eta gaur goizean bertan utzi dute epailearen esku.
24_0705 Ertzaintzak eta Erandioko udaleko udaltzaingoek prebentzio-neurriak hartzen jarraitzen dute aisialdirako lokalen inguruan Ertzaintzak eta…
Durante esta madrugada la Ertzaintza ha detenido en la capital vizcaína a dos jóvenes de…
24_0703 Gizon bat hil da zirkulazio-istripuan A-124 errepidean, Lantziegon Gizon bat hil da zirkulazio-istripuan A-124…
24_0702 Un preso intenta evadirse del centro penitenciario de Martutene Un preso intenta evadirse del…
24_0701 Adingabe bat atxilotu dute Bilbon, beste gazte bati hankan sastada bat emateagatik Biktima larri…
24_0700 Zerbitzuz kanpo zegoen ertzain batek lapur bat atzeman du Bilboko bitxi-denda batean lapurtzeagatik Zerbitzuz…