24_0710 Euskadiko Larrialdi Zerbitzuek Gorbeia mendian zauritutako emakume bat erreskatatu dute
Euskadiko Larrialdi Zerbitzuek Gorbeia mendian zauritutako emakume bat erreskatatu dute
Servicio de prensa
2024-12-28
Emakume batek istripua izan du Gorbeia mendian barrena zihoala eta orkatilan zauritu denean. Hori dela eta, Ertzaintzaren helikoptero batek esku hartu behar izan du erreskatatu eta ebakuatzeko.
Gaur, larunbata, arratsaldeko ordu bata eta hogei inguruan, Sos Deiak 112 zerbitzuak ohartarazi du emakume batek istripua izan duela Gorbeia menditik Aldamin gailurrera bidean zihoala. Emandako informazioaren arabera, biktimak lesio bat zuen orkatilan, eta ezin izan zuen bidea jarraitu.
Datu horiek ikusita, Eusko Jaurlaritzako Larrialdiei Aurregiteko Zuzendaritzako teknikariek helikoptero bat bidali dute bertara, Ertzaintzaren Zaintza eta Erreskate Unitateko Mendi Ataleko agenteekin. Polizia-aireontziaren bidez eta emakumeari lagundu ondoren, erreskatatu eta Ertzaintzaren Iurretako basera eraman dute. Handik, anbulantzia batek Galdakaoko Ospitalera eraman du. 60 urteko emakume bat da.