Dbusek bidaia kopuru errekorra gainditu du 2024an

2024. urtea Dbusek bere historia osoan bidaien marka hautsi duen urtea izan da. Guztira 32.026.966 bidaia erregistratu dira, hau da, bidaiarien %8,20ko hazkundea 2023koaren aldean, orduan 29.599.122 bidaia erregistratu baitziren.

Behin-behineko zifra horien arabera, 2024. urtea lehen postuan dago urtebetean egindako bidaien rankingean, Konpainiak Donostiako udalerrian zerbitzuak eskaintzen dituenetik:

– 2024. Urtea: 32.026.812 bidaia
– 2023. urtea: 29.599.122 bidaia
– 2019. urtea: 29.583.538 bidaia
– 2011. urtea: 29.216.698 bidaia
– 2018. urtea: 29.168.773 bidaia

Lehenen aldiz Dbusen historian 30 milioiko zifra gainditu da, modu azpimarragarrian gainera, 32 milioi bidaia baino gehiago erregistratu dira eta. Erabilera-indize hau ikusgarria da kontuan izanda 190.000 biztanle inguru besterik ez dituela gure hiriak, Europa mailan diren erabilera-ratio handienetako bat lortuz.

Gainera, garrantzitsua da azpimarratzea Dbusen zerbitzuen erabilerak lanegunetan zein larunbat, igande eta jaiegunetan egin duela gora, baita Gautxori zerbitzuetan ere.

2024a zenbakitan

Linea erabilienak 2024an:

• 13-ALTZA linea izan da erabiliena 4.011.171 bidaiarekin
• 28-AMARA-OSPITALEAK-BOULEBAR linea bigarren geratu da 3.975.135 bidaiarekin
• Hirugarren tokian 5-BENTABERRI linea 2.991.478 bidaia erregistratuta

Hiri autobusak gehien erabili diren hilabeteak izan dira:

• Urria, Dbusen historian hilabete bakarrean egindako bidaien kopururik handiena izan baitu, 2.912.401 bidaiarekin
• Ondoren abuztua, 2.817.822 bidaiarekin, Konpainiaren historian bigarren postua lortuta historia osoko hilabete batean egindako bidaia kopuruaren rankingean
• Uztailan 2.776.959 bidaia erregistratu dira, hilabeterik onenen artean hirugarren postuan
• Irailean 2.765.872, Dbusek bidaia gehien egindako hilabeteen laugarren postuan
• Azkenik, azaroan, 2.735.865 bidaia gehien egindako hilabeteen artean bostgarrena

Beraz, 5 hilabete horiek Donostiaren historian hiriko autobus zerbitzua gehien erabili den 5 hilabeteen artean daude.

Autobusa gehien erabili den urteko egunak hauek izan dira:

• Urtarrilaren 19a (Donostia egunaren bezpera) 122.675 bidaiarekin
• Azaroaren 29a (Gabonetako argiak piztea) 122.391 bidaiarekin
• Abenduaren 21a (San Tomas, larunbatez) 117.183 bidaiarekin
• Abenduaren 20a (laneguna) 115.192 bidaiarekin

Datu horiekin, Dbus herritarrek eta bisitariek gehien aukeratzen duten garraiobide gisa finkatzen da, hiri garraioaren sektorean erreferentziazko enpresa bihurtuta. Horretaz jabetuta, Dbusen 2025 osoan lanean jarraituko dugu donostiarren konfiantza hobetzeko.