Trafiko istripu baten ondorioz, AP-8 autobidea itxi behar izan dute Deban

Trafiko istripu baten ondorioz, AP-8 autobidea itxi behar izan dute Deban

Kamioi batek istripua izan du Itziarko tunelaren irteeran, eta, ondorioz, AP-8 autobidea itxi behar izan dute Deba parean, bi noranzkoetan. Gidaria zauritu egin da eta zirkulazioa N-634 errepidetik desbideratzen ari da.

Ezbeharra gaur goizeko zortzietan gertatu da, kerosenoa zeraman zisterna-kamioi bat errepidetik atera eta irauli egin denean, Itziarko tunelaren irteeraren parean, AP-8 autobidean.

Irunerako noranzkoan zihoan ibilgailua gurutzatuta geratu da, eta galtzadaren bi noranzkoei eragin die. Larrialdi Zerbitzuko baliabideak lanean ari dira gidariari laguntzeko eta garraiatzen duen ibilgailua eta zama kentzeko. Trafikoa N-634 errepidetik desbideratzen da, ordezko bide gisa.