25_0011 84 urteko emakume bat hiltzeagatik Barakaldon atxilotutako gizona espetxeratu dute
84 urteko emakume bat hiltzeagatik Barakaldon atxilotutako gizona espetxeratu dute
Servicio de prensa
2025-01-05
Ertzaintzak ostiral arratsaldean, Barakaldon, 84 urteko emakume bat indarkeriaz hiltzea egotzita atxilotutako 63 urteko gizona kartzelan sartu dute gaur, igandea, epaileak aginduta. Akusatua epailearen aurrean aurkeztu dute goizean, ertzain-etxean beharrezko eginbideak amaitu ondoren, eta espetxeratzeko agindua eman dute.
Aipatutako gizona joan den ostiralean, hilak 3, arratsaldean atxilotu zuten Barakaldon (Bizkaia), 84 urteko emakume bat Arrontegi auzoko familia-etxebizitzan indarkeriaz hiltzea egotzita.
Ertzaintzak gertakarien ikerketa abiatu zuen, eta, lehen zantzuen arabera, heriotza bat gertatu zen familia-indarkeriaren esparruan, eta hildakoaren semea atxilotu zuen.
Gaur, igandea, Ertzaintzaren egoitzan beharrezko izapideak amaitu ondoren, atxilotua epailearen esku utzi dute, eta espetxean sartzeko agindua eman dute.