25_0017 Lemoan atxilotu dute saltoki batean lapurreta egiten saiatzea leporatuta, erakusleihoa kutxatila-estalki batekin hautsi ondoren
Lemoan atxilotu dute saltoki batean lapurreta egiten saiatzea leporatuta, erakusleihoa kutxatila-estalki batekin hautsi ondoren
Prentsa zerbitzua
2025-01-08
Ertzaintzak 19 urteko gizon bat atxilotu du goizaldean Lemoan, indarra erabiliz lapurreta egiten saiatzea leporatuta. Gazteak establezimendutik gertu zegoen kutxatila baten estalkia erabili du erakusleihoa kolpatzeko.
Gaur goizaldeko 03:00ak aldera, inguruan prebentzio-lanetan ari zen Durangoko Ertzain-etxeko patruila bati telefono bidez jasotako abisu baten berri eman diote. Abisuaren arabera, zarata handi bat entzun da Lemoako saltoki batean, eta saltokiaren erakusleihoa hautsita zegoen eta inguruko kutxatila baten estalkia altxatuta, eta, gainera, gizon bat zegoen inguruan.
Agenteak berehala hurbildu dira adierazitako lekura, eta saltokiaren inguruan atxilotu dute ustezko lapurra, indarra erabiliz lapurreta egiten saiatzea leporatuta.
Atxilotua datozen orduotan jarriko dute agintari judizialaren eskuetan.