25_0016 Vitoria-Gasteiz, aparkatuta zegoen ibilgailu batetik lapurtu berria zuen banku-txartel bat erabili ondoren atxilotu dute iruzurra leporatuta
Vitoria-Gasteiz, aparkatuta zegoen ibilgailu batetik lapurtu berria zuen banku-txartel bat erabili ondoren atxilotu dute iruzurra leporatuta
Prentsa Zerbitzua
2025-01-08
Ertzainek 26 urteko gizon bat atxilotu zuten atzo gauean Gasteizen, banku-txartelarekin iruzur egitea eta ibilgailu batean indarra erabiliz lapurreta egitea leporatuta. Ertzainek lapurtutako txartelarekin hainbat zordunketa egin ondoren atxilotu zuten gizona.
Ertzaintzak atzo arratsaldeko azken orduan jakin zuen Gasteizko Arriaga-Lakua auzoan aparkatuta zegoen auto batean indarra erabiliz lapurreta egin zutela. Lapurrak leiho bateko kristala hautsi zuen, eta diru-zorro bat zuen poltsa bat eta ordenagailu eramangarri bat zuen motxila bat lapurtu zituen.
Gertaera ikertzeari ekin ziotenean, agenteek egiaztatu zuten hainbat zordunketa egin zituztela establezimendu batean lapurretaren biktimaren txartel batekin. Herritarren segurtasunerako patruila batek jarraitu ahal izan zion arrastoa ustezko egileari, eta Arabako hiriburuko erdiguneko plaza batean identifikatu eta atxilotu zuten.
Atxilotua gaur goizean jarri dute Gasteizko Guardiako Epaitegiaren eskuetan.