Udaltzaingoaren bi agentek txatar egitera eraman behar ziren 45 bizikleta konpondu dituzte eta Paiporta eta Catarrojan banatu dituzte
Valentziako herriarekiko elkartasunak aurrera jarraitzen du azken urteetako hondamendi natural garrantzitsuenetako bat gertatu eta hiru hilabetera. Gertatutakoaren ondoren eta egunik larrienetan eta kaotikoenetan laguntza ematera bertara joateko ezintasunaren ondoren, Donostiako herriaren elkartasunak jarraitu egin du DANAk gehien kaltetutako eremuetako biztanleekiko.
Udaltzaingoaren bi agentek txatar egitera eraman behar ziren 45 bizikleta konpondu dituzte azken bi hilabeteetan euren denbora librean. Eta helburua izan da DANAren eragina jasan duten lekuetara eramatea, behar duten pertsonek garraio mota bat izan dezaten.
Hondamendiaren tamaina eta kaltetutako lekuetatik aipatutako beharrak kontuan hartuta, Udaltzaingoaren Javier Cortés eta Francis Indias agenteek bizikletak lortzeko eta eramateko ekimena martxan jarri zuten. Horretarako, Udaltzaingoaren zuzendari Jon Udakiolarekin hitz egin zuten, eta Udalari eskatu zioten ibilgailuen gordailuan utzita eta txatar bihurtzeko zain zeuden 45 bizikleta lagatzeko, konpondu eta kaltetutako eremu horietara eramateko.
Agenteek Torrent-eko Col.lectiu Soterranya elkartearekin harremanetan jarri ziren, eta haiekin elkarlanean, hainbat astetako konponketa lanak egin ostean, bizikletak Paiporta eta Catarroja herrietan banatu dituzte.