25_0018 Portugaleten gazte bat atxilotu dute taberna batean lapurreta egiten saiatzeagatik
Portugaleten gazte bat atxilotu dute taberna batean lapurreta egiten saiatzeagatik
Prentsa Zerbitzua
2025-01-10
Gaur goizaldean, ertzainek 23 urteko gazte bat atxilotu dute, taberna bateko leihateko kristala hautsi eta barruan lapurretan harrapatu ondoren.
Gaur goizaldeko lauak aldera, Ertzaintzak jakin du lapurretan ari zirela Portugaleteko Alde Zaharreko ostalaritza-establezimendu batean.
Polizia-baliabideak iritsi direnean, lokaleko alboko leihoetako bat erabat hautsita zegoela ikusi dute, eta, kristaletik, pertsona bat barruan mugitzen hauteman dute. Harrapatu egin dutela eta ihesbiderik ez zuela konturatu denean, eta agenteek eskatuta, lapurra sartu den lekutik irten da, eta indarra erabiliz lapurreta egitea leporatuta atxilotu dute.
Ondarearen aurkako delituengatik aurrekari ugari dituen arrastatua polizia-egoitzara eraman dute dagozkion eginbideak egitera, eta behin horiek amaitutakoan, agintari judizialaren eskuetan jarriko dute.