25_0026 Ertzaintzak obus bat erretiratu du Hondarribiko etxe bateko lorategitik
Ertzaintzak obus bat erretiratu du Hondarribiko etxe bateko lorategitik
Servicio de prensa
2025-01-15
Atzo eguerdian, Ertzaintzako Lehergailuak Indargabetzeko Unitateko agenteek Hondarribiko (Gipuzkoa) bizitegi-zona batean kokatuta dagoen hiru bizitzako etxe bateko lorategian aurkitutako obus bat erretiratu zuten.
Lursailean lanean ari ziren langileek aurkitu zuten lehergailua, eta hondeamakina batekin atera zuten obra-hondakin bat zela pentsatuz. Okerraz jabetu zirenean, tokian bertan utzi eta Udaltzaingoari jakinarazi zioten. Udaltzainek eremua inguratu eta Ertzaintzara deitu zuen.
Etxebizitzako bizilagunak etxetik atera zituzten, eta Lehergailuak Indargabetzeko Unitateko agenteek esku hartu zuten lehergailua erretiratzeko.
Sei kilo eta erdiko artilleriako jaurtigai bat da, Espainiako Gerra Zibilean erabilitakoa, eta kontserbazio-egoera txarrean zegoenez, indargabetzeko teknikariek leku seguru batean suntsitu behar izan dute modu kontrolatuan.