Ertzainek 68 urteko gizon bat atxilotu dute Donostiako udal-barrutian dagoen baserri batean indarra erabiliz bi lapurreta egitea leporatuta. Atxilotua espetxeko hirugarren graduan dago.
Joan den asteazkenean, hilaren 15ean, Ertzaintzari jakitera eman zioten lapurreta egin zutela Donostiako familia bakarreko etxebizitza batean. Herritarrak babesteko lanetan ari ziren patruilak bertaratu zirenean, etxeko leihoetako bat hautsita zegoela eta lapurra ustez bertatik sartu zela egiaztatu zuten. Aurkeztutako salaketaren arabera, bitxiak, erlojuak eta dirua lapurtu zituzten.
Hortik abiatuta lapurreta argitzeko hasitako ikerketaren bidez egiaztatu ahal izan zen lapurra etxebizitzetan antzeko lapurretak egiteagatik polizia-aurrekariak zituen gizon bat izan zitekeela. Jakin ahal izan zenez, susmagarria une honetan Martuteneko espetxeko hirugarren graduan zegoen. Ostiral arratsaldean Lasarte-Orian aurkitu eta atxilotu zuten. Gero, eta epailearen baimena lortu ondoren, bizi den tokia miatu zuten, eta bertan gakorde batzuk eta bitxiak, horietako batzuk baserrian lapurtutakoak, aurkitu zituzten.
Etxebizitza horretan bertan antzeko lapurreta bat egin zuten 2023an, eta duela gutxi lortutako frogen arabera, arrastatu duten gizonari eginbideak ireki dizkiote ikertu gisa indarra erabiliz egindako lapurreta horrengatik ere.
Atxilotua atzo, larunbata, arratsaldean eraman zuten epailearen aurrera, zegozkion polizia-eginbideak amaitu ostean.