25_0037 Ondarroan atxilotu dute enpresa batean lapurreta egin nahian ari zela
Servicio de prensa
2025-01-20
Ertzainek 33 urteko gizon bat atxilotu dute gaur goizaldean Ondarroan, indarra erabiliz lapurreta egitea leporatuta, pabiloi batean materiala lapurtu nahian harrapatu ondoren.
Gaur goizaldeko ordu bata baino lehentxeago, Ertzaintzari jakinarazi diote norbait ustez lapurretan ari zela Ondarroako enpresa batean. Inguruan zaintza-lanetan ari zen herritarren babeseko dotazio bat hurbildu da aipatutako lekura, eta berriemaileak adierazi duen eta, dirudienez, gaur egun inolako jarduerarik hartzen ez duen pabiloira sartzeko atea zabalik zegoela eta behartu izanaren zantzu argiak zituela egiaztatu du.
Patruila pabiloian sartu denean hainbat tresna eta objektu ikusi ditu zoko batean pilatuta, eta lekua aztertzen ari zenean pertsona bat ikusi du eskailera baten azpian, kartoi artean ezkutatu nahian. Agenteek susmagarria identifikatu dute, eta, beharrezko frogaketak egin ondoren, indarra erabiliz lapurreta egitea leporatuta atxilotu dute. Jarraian, arrastatua polizia-egoitzara eraman dute dagozkion eginbideak betetzeko, eta behin horiek amaitutakoan epailearen eskuetan jartzeko.
25_0036 Irun, Euskadiko Larrialdietako Zerbitzuek Aiako Harrian istripua izan duen txirrindulari bat erreskatatu dute Irun,…
Ertzainek 19 eta 21 urteko bi gazte atxilotu zituzten ostiral arratsaldean, Bermeoko bi tabernatan eta…
Ertzainek 68 urteko gizon bat atxilotu dute Donostiako udal-barrutian dagoen baserri batean indarra erabiliz bi…
Atzo, ostirala, arratsaldean, Ertzaintzako agenteek 45 urteko gizon bat atxilotu zuten Santurtziko ostalaritzako lokal batean…
El siniestro ha tenido lugar esta tarde cuando un total de diez vehículos se han…
25_0031 Urdulizen atxilotu dute herriko atari eta saltokietan kalteak egin ondoren Aurretik alkoholdun edarien botilaz…