Barakaldoko Udalak adimen artifizialeko tailerrak antolatu ditu adinekoentzat

Ekimena Deustuko Unibertsitateko ikasleen eskutik egingo da eta, gainera, belaunaldi ezberdinen arteko interakzioa sustatzen du. Tailerrak otsailaren 17an hasiko dira eta 20 saio izango dituzte, astelehen eta asteazkenetan 09:30etik 12:30era. IA zertan datzan erakutsiko da, besteak beste, testua sortzeko tresnak, irudiak, musika ahotsa eta bideoa erabiltzeko prestakuntza. Lekua mugatua da eta parte hartu nahi dutenek izena eman dezakete 010 doako telefonoaren bidez

Adimen artifiziala ere helduen kontua da. Barakaldoko Udalak Adimen Artifizialari buruzko Tailerra jarriko du abian, Deustuko Unibertsitateko ikasleen eskutik. «Adimen artifizialaren printzipioak ulertzea, edukia sortzeko tresnak erabiltzea, IAren eraginari buruzko pentsamendu kritikoa garatzea eta norberaren sormena sustatzea dira landu nahi ditugun helburuetako batzuk», adierazi du Mikel Antizar Gizarte Ekintzako zinegotziak. Tailerra astelehen eta asteazkenetan izango da, 09:30etik 12:30era, CIS Los Hermanos aretoan, eta 20 saio izango ditu, otsailaren 17tik maiatzaren 7ra.

Tailer honetan Adimen Artifizialari buruzko sarrera bat egingo da, zertan datzan ulertzeko, eta kontuan hartu beharreko gai etikoak, legalak eta ingurumenekoak landuko dira. Halaber, landuko diren edukietako batzuk testua, irudiak, ahotsa, musika eta bideoak sortzeko tresnak izango dira. Tailerrari bukaera emateko, amaierako proiektu bat egingo da, IAren aplikazioen ikaskuntzan oinarritua.

Parte hartzeko, beharrezkoa da informatikari eta ordenagailua edo tableta erabiltzeari buruzko ezagutzak izatea, eta gomendagarria izango da ordenagailu eramangarria edo berezko tableta duten pertsonek tailerrean parte hartzeko erabiltzea, bestela tailerrean emango da.

Lekua mugatua da, eta parte hartu nahi dutenek izena eman dezakete 010 telefonoaren bidez (doakoa).

ZAHARTZE AKTIBOA ETA BELAUNALDIEN ARTEKO PROIEKTUA
Proiektu honek aktiboki zahartzearen aldeko apustua egiten du, eta belaunaldien arteko izaera nabarmena du, Deustuko Unibertsitateko Ingeniaritza eta Hezkuntza graduetako ikasleek ematen baitituzte tailerrak. «Ekimena Innobasque Berrikuntzaren Euskal Agentziaren jardunbide egokien bankuan sartu da, zahartze aktiboa ulertzeko modu berritzailea izateaz gain, belaunaldi arteko trukeari balioa emanez prestakuntza antolatzeko moduan aitzindaria delako», adierazi du harro Antizarrek.

«Adimen artifiziala errealitate bat da gure bizitzetan, eta aukera bat bezala ikusi behar dugu, baldin eta jakiten badugu nola eman onura humanistiko, etiko eta legala. Tresna berri hau ikastea eta barneratzea errealitate bat izan behar da bere etapa hasiberrienetik, informatikak eta helduengan bereziki sortu zuen eten digitalak ekarri duten egoera bera ez errepikatzeko», gaineratu du.