Barakaldoko Udal Musika Kontserbatorioak ateak irekiko dizkie datorren ostiralean etorkizuneko ikasleen familiei

Barakaldoko Udal Kontserbatorioak ateak irekiko ditu otsailaren 7an, ostirala, etorkizuneko ikasleen familiei bere instalazioak erakusteko. Kultura zinegotziak, Nerea Canterok, eta kontserbatorioko zuzendariak, Fuensanta Figueroak, gaur goizean aurkeztu dute «Kontserbatorioa musika-irakaskuntzan erreferentziazko ikastetxe gisa sendotzen jarraitzen duen ekimena, kalitatezko prestakuntza akademikoa eta ikasleen esperientzia aberasten duten jarduerak uztartzen dituen hezkuntza-ereduarekin», adierazi du. Ikasturte honetan 305 ikasle matrikulatu dira; horietatik 144k ikasketa profesionalak egiten dituzte eta 161k oinarrizko irakaskuntzak.

Barakaldoko Udal Kontserbatorioak 40 urte baino gehiago daramatza Barakaldoko, ezkerraldeko, Enkarterrietako eta Kantabriako udalerri mugakideetako ikasleak Musikaren irakaskuntza arautuan trebatzen. Azken urte hauetan Udal Kontserbatorioa hedatu egin da eta bere hezkuntza eskaintza eta instrumentu espezialitateak zabalduz joan da.

Azken urteotan, kontserbatorioak bere hezkuntza eskaintza handitu du instrumentu espezialitate berriak gehituz: Tronboia, Bombardino-Tuba, kantua. «Espezialitate horiei esker, musika-irakaskuntza dibertsifikatu egin da gure ikastetxean, eta ikasleei prestakuntza osoagoa eta askotarikoagoa eskaini zaie», azaldu du Canterok. «Kontserbatorioaren martxa onaren erakusgarri da hainbat ikaslek lehiaketetan arrakastaz parte hartu izana eta Bilboko Elkarte Filarmonikoak bigarren aldiz jarraian interprete gazteentzako kontzertu-zikloan parte hartzeko gonbidapena egin izana. Ziklo honetan Euskadiko kontserbatorio guztietako ikasleek hartzen dute parte, eta Barakaldoko Kontserbatorioak ematen du ikasle gehien «, nabarmendu du. «Pribilegio bat da Barakaldon eskaintza instrumental hori duen Kontserbatorio Profesional bat izatea; horregatik, Udalak, Eusko Jaurlaritzako Hezkuntza Sailarekin batera, espazio horretako ikasleen musika-ikasketen eta musika-prestakuntzaren aldeko apustua egiten jarraitzen du», azpimarratu du.

ATE IREKIEN JARDUNALDIA
Ate irekien jardunaldia ostiralean izango da, eta bertan, familiek irakasleak ezagutu ahal izango dituzte, eskaintzen diren espezialitate instrumentalak ezagutu ahal izango dituzte eta amaierako kontzertu berezi bat egingo da, kontserbatorioko ikasleen eta irakasleen parte-hartzearekin. Ate ireki horien helburua da kontserbatorioaren hezkuntza-eskaintza ezagutaraztea; azken urteetan txertatutako espezialitateak aurkeztea: tronboia, bonbardino-tuba eta kantua; haurrengan, gazteengan eta helduengan musikarekiko interesa sustatzea; musika-prestakuntzak garapen pertsonalean eta profesionalean duen eragina eta garrantzia erakustea; IGEak eta Udalak jarduera osagarriak antolatzeko duten zeregina nabarmentzea, eta ikasleen, familien eta irakasleen arteko topagune bat eskaintzea. «Kontserbatorioa ezagutu nahi duten familiak gu ezagutzera eta eskain dezakegun guztia ezagutzera animatzen ditugu», azpimarratu du Canterok.

Ikasturte honetan zehar, Kontserbatorioak formakuntza oso bat eskaintzen du instrumentu espezialitate ugaritan: biolina, biola, biolontxeloa, kontrabaxua, zeharkako txirula, klarinetea, saxofoia, oboea, fagota, txistua, tronpeta, tronpa, tronboia, bonbardino-tuba, pianoa, gitarra, akordeoia, perkusioa eta kantua. «Eskaintza honek ikasleei aukera ematen die beren talentua hainbat musika-esparrutan garatzeko eta instrumentu- eta ahots-taldeetan parte hartzeko», adierazi du Figueroak.

Barakaldoko Udal Kontserbatorioak prestakuntza integral baten aldeko apustua egiten du, musika esperientzia aberasgarriekin osatua. Urtero, Kontserbatorioak aktiboki parte hartzen du ohiko Gabonetako Kontzertuetan eta Gabonaldiaren programazioan, Urteberriko Kontzertuan, eta hainbat jaialdi eta jardueratan parte hartzen du, udal herritar guztiek goza ditzaketenak. IGEaren eta Udalaren laguntzari esker, ikastaro hau hainbat musika-espezialitate instrumentaletan ospe handiko musikariek emandako masterclas-ak antolatzen ari dira.