Tokiko Gobernu Batzarrak onartutako beste gai batzuk: Heriz igogailua, Villa Salia, Kontxako baranda
Donostiako Udalak onartu du hiriko aparkaleku publikoen enpresa emakidadunei baimena ematea TAO 1-1, 1-2, 2-1, 2-2 eta 2-3 sektoreetan egoiliar gisa baimendutako ibilgailuentzako abonuak komertzializatzeko.
Eneko Goia alkateak gogorarazi duenez, «abonu hau udan hiriko aparkalekuekin lortutako akordioari esker sortu da, aparkaleku horiek modu egokiagoan erabiltzeko helburuarekin, inguruko hiritarrei urte osoan zehar mesede eginez«. Horri dagokionez, Goiak adierazi duenez, «pixkanaka, garraiobide alternatiboetarako gainerako abonuak onartzen joango gara, hala nola motoentzako, bizikletentzako edo patineentzako abonuak«.
Ezaugarriak:
Tarifa berri hau hurrengo aparkalekuetan aplikauko da:
Horrela, Erdialdeko (1-1, 1-2), Groseko (2-1, 2-2) eta Egiako (2-3) sektoreetako bertakoek horretaz baliatzeko aukera izango dute Telpark app-aren bidez. Tarifa hau datozen egunetan jarriko da martxan.
Tokiko Gobernu Batzarrak onartu du Erregezaintza kalearen eta Heriz pasealekuaren arteko desnibela gaindituko duen igogailua eraikitzeko egikaritze-proiektu eguneratua. Proiektu honen aurrekontua 1.354.060 €-koa da eta gauzatzeko epea 8 hilabetekoa.
Tokiko Gobernu Batzarrak «Villa Salia» eraikinean eguneko arreta zerbitzua kontratatzeko espedientea onartu du, 1.001.279 euroko urteko aurrekontuarekin eta 2 urteko iraupenarekin (urtebeteko bi luzapenekin).
Kontratuaren xedea bazterkeria-egoeran dauden pertsonentzako eguneko arreta-zerbitzua kudeatzea da, hiru eremutan garatzen dena:
Zehazki, honako prestazio hauek emango dira: informazioa ematea, bitartekaritza, gizarte- eta hezkuntza-arloko esku-hartzea eta esku-hartze psikosoziala, kontsigna baten kudeaketa, mantenua, arropa garbitzea, norberaren garbitasuna, entretenimendua eta informazioa eskuratzeko aukera ematea, komunitate-inguruneko jardueren sustapena, ikerketa.
Tokiko Gobernu Batzarrak onartu du Kontxa pasealekuko – Errege Etxearen eta Antiguako tunelaren artean – kostaldeko hormaren hegala konpondu eta handitzeko (II – C fasea) proiektuan jasotako obrak kontratatzeko espedientea. Lizitazioaren aurrekontua 989.373 €-koa da eta gauzatzeko epea zortzi hilabetekoa.
Nafarroako Gobernuko lehendakariorde eta Memoria eta Bizikidetzako, Kanpo Ekintzako eta Euskarako kontseilari Ana Ollo Doneztebeko…
Barakaldo Kirolak-ek ikerketa abiatuko du gertatutakoa argitzeko Zauritua, garbiketa-enpresako langilea, Gurutzetako ospitalera eraman dute, konortea…
Barakaldoko gazte nerabeen arteko talentu-lehiaketan 67 pertsonak hartuko dute parte. Barakaldoko Udaleko Gazteria Sailak, Giltzarri…
Justizia eta Giza Eskubideen sailburuak bonbardaketaren 88. urteurrena ospatzeko ekitaldietan parte hartu du Bizkaiko udalerrian…
Amaia Barredok, Eusko Jaurlaritzako Elikadura, Landa Garapen, Nekazaritza eta Arrantza sailburuak, zorionak eman dizkie untxi,…
Eusko Jaurlaritzak NBEren «Bakearen, Gerren Amaieraren eta Nazioarteko Legezkotasunaren Errespetuaren aldeko Oihua ekitaldian parte hartu…