Euskal enpresek dagoeneko eska ditzakete SPRI Taldeak (enpresen garapenerako agentzia) kudeatzen dituen Gauzatu Industria, Indartu eta Deskarbonizazio Industriala programetako (Eusko Jaurlaritza) inbertsioetarako laguntzak. Tramite hori eginez gero, diruz laguntzeko moduko inbertsiotzat hartu ahal izango dira programa bakoitzaren deialdia baino lehen abiarazitako inbertsioak.
Baldin eta aurre-eskaera aurkezten bada inbertsioak hasi baino lehen, enpresek diruz laguntzeko moduko inbertsio bezala sailkatu ahal izango dituzte aurre-eskaera aurkeztu denetik eskaera formala (programaren deialdia argitaratu ondoren) aurkeztu bitartean egindako inbertsioak.
Gauzatu Industria programaren helburua da oinarri teknologikoa duten edota berritzaileak diren ETEak sortzen eta garatzen laguntzea, etorkizunerako lehiakortasun-estrategia gisa, eta, horretarako, enplegua sortuko duten inbertsioak babestea. Oinarri teknologikodun edo berritzaile gisa sailkatutako ETEentzako aurrerakin itzulgarriak dira, enplegua sortuko duten aktiboetan inbertitzeko emango direnak.
Aurreskaerak aurkezteko: https://app7.spri.net/gauzatu/.
Indartu programak itzuli beharrik gabeko dirulaguntzak ematen dizkie enpresei (handiak eta ETEak), inbertsioak egin ditzaten Euskal Autonomi Erkidegoko urteko batez bestekoaren % 5tik gorako langabezia-tasa duten eremu eta udalerrietako aktiboetan.
Enplegua sortzen duen produkzio arloko inbertsioa sustatzen dugu, industri garapenaren eta desberdintasun sozialak murriztearen aldeko apustu irmo gisa.
Aurreskaerak aurkezteko: https://www.euskadi.eus/diru_laguntza/2025/indartu-2025-programaren-aurretiko-eskabidea/web01-tramite/eu/.
Deskarbonizazio Industriala Euskadiko industrian negutegi-efektuko gasen isurpenak gutxitzea eragiten duten produkzio-prozesuak hobetzen laguntzen du.
Aurreskaerak aurkezteko: https://www.euskadi.eus/diru_laguntza/2025/deskarbonizazio-industrialeko-programarako-aurreeskaerak-2025ko-deialdia/web01-tramite/eu/.
Ertzaintzak gizon bat atxilotu du bart gauean Gasteizen, giza hilketaren saiakuntza leporatuta, beste gizon bati…
Eskaera epea otsailaren 13an hasi eta martxoaren 12an amaituko da Otsailaren 12an, Gipuzkoako Aldizkari Ofizialean…
Eguzki-instalazioak sinplifikatzen dituzten produktuak diseinatzen eta merkaturatzen ditu Landatu Solar enpresak. Teilatuetan eta zoru lauetan…
‘Urrezko ordua’ istripu baten ondorengo lehen 60 minutuak dira, non arreta mediko azkar eta eraginkorrak…
25_0083 Donostiako Ertzain-etxeak eraikinaren kanpoaldera aterako ditu behin-behinean jendeari arreta emateko bulegoak Donostiako Ertzain-etxeak eraikinaren…
Ertzaintzako agenteek 33 eta 25 urteko bi gizon atxilotu zituzten atzo, asteartea, goizean, joan den…