25_0110 Bi ertzainek bihotz-biriketako geldialdian zegoen pertsona bati lagundu diote Basaurin
Bi ertzainek bihotz-biriketako geldialdian zegoen pertsona bati lagundu diote Basaurin
Servicio de prensa
2025-02-21
Joan den urtarrilean, zerbitzutik kanpora zeuden eta kirola egiten ari ziren Ertzaintzako bi agentek Basauriko kirol-zentro batean bihotz-biriketako geldialdia izan zuen pertsona bat suspertzen lagundu zuten. Ertzainek bihotz-biriketako bizkortze-maniobrak egin zizkioten Ibaizabalgo Ertzain-etxeko eta Basauriko Udaltzaingoko lankideak iritsi bitartean. Agenteek azkar esku hartu izanari esker eta udaltzainek eramandako desfibriladore bat jarri ondoren, biktima bere onera etorri zen. Jarraian, osasun-zerbitzuek Galdakaoko ospitalera eraman zuten eta, ZIUn sartu ondoren, alta eman zioten.
Esku hartu zuten agenteak zoriondu egin dituzte Ertzaintzaren Burutzak, Basauriko Udaltzaingoak eta biktima artatu zuen medikuak. Era berean, laguntza jaso zuen pertsona polizia-egoitzara agertu zen ertzainei eskerrak ematera.