25_0156 Tolosan atxilotu dute beste gizon bati hautsitako botila batekin eraso egiteagatik
Servicio de prensa
2025-03-05
Ertzaintzako agenteek 36 urteko gizon bat atxilotu dute gaur, asteazkena, goizaldean, taberna batean borrokan ari zirela hautsitako kristalezko botila batekin beste gizon bati lepoan zauriak egin ondoren. Biktima ospitalera eraman behar izan dute.
Goizaldeko ordu biak laurden gutxi aldera, herritarrak babesteko lanetan ari zen Ertzaintzaren patruila bat Tolosako ostalaritza-lokal batera hurbildu da, bi pertsona borrokan ari zirela jakin ondoren. Iritsi direnean, agenteek egiaztatu dute pertsona bat odola dariola zegoela lepoaren alde batean eta esku batean zituen zaurietatik. Establezimenduko segurtasun-langileek eutsita zuten beste gizon batek ere lesioak zituen esku batean, eta bere onetik aterata zegoen.
Esku hartu duten ertzainek bildutako informazioaren arabera, biak eztabaidan hasi dira taberna barruan, eta kanpora irten direnean borrokan hasi dira. Helduta zuten gizonak hautsitako kristalezko botila batekin eraso egin dio besteari.
Bertaratu den anbulantzia bateko osasun-langileek lekuan bertan artatu dute ustezko erasotzailea, eta lesio-delitua leporatuta atxilotu dute. Lepoan zauritutako gizona, berriz, Asunción Klinikara eraman dute.
Atxilotua Agintari Judizialaren eskuetan jarriko dute beharrezko polizia-eginbideak amaitutakoan.
Osasunbidea-Nafarroako Osasun Zerbitzuko goizeko txandako profesionalen %2,01ek gaur langile fakultatiboentzat deitutako greba jarraitu dute. Kudeaketa-arloei…
14 diziplinetatik 8tan mantentzen du bere ordezkaritza, eta guztira bederatzi emakumezko talde daude euren modalitateetako…
blue sky background with white clouds Otsaila Nafarroan oso hilabete beroa izan da, otsaileko serie…
Lurralde Kohesiorako Departamentuak, Toki Administrazioaren eta Despopulazioaren Zuzendaritza Nagusiaren bitartez, aurten 317.138.631 euro bideratuko ditu…
Tuterako Herritarrei Arreta emateko Bulegoak, 2024an, Administrazioarekin 30.000 zerbitzu eta izapide baino gehiago eskaini dizkie…
Nafarroako Gobernuaren SOS Nafarroa 112 Larrialdi, Prebentzio eta Babes Zibileko Zerbitzuak, «Larrialdi Handien Modulua» tresnagatik,…