Polizia eta Larrialdietako Euskal Akademiak UPV/EHU-ko enpresen eta tituludunen eta ikasleen arteko topaketan parte hartu du

Polizia eta Larrialdietako Euskal Akademiako eta Zerbitzuetako zuzendari Amaya Angulok, Akademiako irakasleekin batera, Euskal Herriko Unibertsitateak antolatutako enpresen eta tituludunen eta ikasleen arteko topaketan parte hartu du gaur goizean.

Bertan, Akademiak Larrialdiei Aurre Egiteko Euskal Sistema osatzen duten profesionalak (Ertzaintza, Udaltzaingoak, Salbamendu eta Su Itzaltze Zerbitzuak, boluntarioak, etab.) prestatzeko eta hobetzeko ardura duen erakunde gisa eskaintzen dituen garapen profesionalerako aukeren berri eman du. Beste enplegu batzuen artean, eskolak irakasle-plazak ditu hainbat arlotan: Zuzenbidea, Soziologia, Psikologia, Gorputz Hezkuntza, Informatika, Medikuntza, Ingeniaritza, Euskal Filologia, Geografia, Historia, Erizaintza, Pedagogia… Horiez gain, izaera administratiboagoko plazak ere badaude lege, kontratazio, giza baliabide, obra arloetarako, eta abarretarako.

Ekimen honen bidez, Polizia eta Larrialdietako Euskal Akademiak gizartearekiko eta talentua erakartzearekiko duen konpromisoa indartu nahi du, bere funtzioen ezagutza eta segurtasunaren eta larrialdien eremu publikoan garapen profesionalerako aukerak sustatuz.