10:00etatik 13:00etara parkea ezagutzeko eta hainbat jardueratan parte hartzeko aukera egongo da
Aurten ere Garberako Suhiltzaileen parkea ezagutzeko aukera egongo da. Martxoaren 8an, larunbatean, San Juan de Dios eguna ospatuko dute suhiltzaileek, hain zuzen ere, euren zaindariaren eguna. 1953.urtean izendatua izan zen ofizialki martxoaren 8a suhiltzaileen zaindariaren eguna, XVI. mendearen erdialdean, Granadan, sutan zegoen ospitale batetik gaixoak salbatzearen ekin zion santuaren omenez.
Ate irekiak
Eguna ospatzeko, azken urteetan egin izan duten bezala, martxoaren 8an larunbatean bertan, Ate Irekien jardunaldia ospatuko da:
- goizeko 10:00etan zabalduko dituzte parkearen ateak nahi duten pertsona guztiek instalazioak eta suhiltzaileen lana pixka bat gehiago ezagutu ahal izateko
- haur eta helduentzat dibulgazio eta prebentzio tailerrak antolatu dituzte, larrialdietan nola jardun behar den azaltzeko
- hainbat maniobra ikusteko aukera egongo da
Sarrera mugatua
Parkerako sarrera mugatua izango da:
- behin edukiera beteta, parkera sartzeko itxaron behar izango da
- ahalik eta bisita gehien errazteko, parkean ordubete baino gehiago ez egoteko eskatzen zaie bisitariei. Denbora horretan, programatutako jarduera guztiez gozatzeko adina denbora dago.
Garraio publikoa
Bertaratuko diren hiritar guztiei gogorarazten zaie, suhiltzaileen parkerako sarbidea itxita egongo dela, eta beraz, ezingo dela autoz edo ibilgailu partikularrez sartu. Suhiltzaileen Garberako Parkera iristeko, oinez Otxoki pasealekutik, galtzadaren ezkerreko ertzetik jaitsita egin daiteke.
Garberako kanpoko aparkalekutik Dbus-ek autobus zerbitzu berezia eskainiko du, 9:30etik 13:30era gutxi gorabehera, parkera gerturatu ahal izateko. Txartelaren prezioa ohikoa izango da.
Bestalde, hauek dira Suhiltzaileen parketik gertu dauden Dbusen lineen geltokiak:
- 9. Egia-Intx, irteera Boulevardetik eta Egia pasatu ondoren, Bustintxulo kalean du gertuen dagoen geralekua.
- 29. Intx-Sur, irteera Boulevardetik eta Gros eta Ategorrieta pasatu ondoren, Bustintxulo kalean du gertuen dagoen geralekua.
- 33. Larratxo-Intx-Berio, Igaratik aterata Antiguo, Erdialdea eta Gros igaro ondoren, Otxoki pasealekuan du gertuen dagoen geralekua.
- 33. Larratxo-Intx-Berio, Larratxotik, Otxoki pasealekuan du gertuen dagoen geralekua.
- 24. Altza-Gros-Antiguo-Intx, Antiguatik Amara, Loiola eta Egia pasatu ondoren,Otxoki pasealekuan du gertuen dagoen geralekua.
- 27. Altza-Intx-Antiguo-Gros, Antiguatik Amara, Gros, Herrera, Alza eta Larratxo pasatu ondoren, Otxoki pasealekuan du gertuen dagoen geralekua
Ospitalera bisita
Martxoaren 7an, ostiralean, arratsaldean, Suhiltzaile talde batek ospitaleko Ama-haurrentzako eraikina eta Psikiatria sailetan dauden haurrak bisitatuko dituzte.