25_0184 Ertzaintzak sei pertsona atxilotu ditu Athletic Club-A.S. Roma partidaren aurreko istiluetan, San Mames estadioaren inguruan
Ertzaintzak sei pertsona atxilotu ditu Athletic Club-A.S. Roma partidaren aurreko istiluetan, San Mames estadioaren inguruan
Prentsa Zerbitzua
2025-03-13
Sei pertsona atxilotu ditu Ertzaintzak, lau italiar eta bertako bi zale, San Mames estadioaren kanpoaldean izandako istiluetan. Ertzaintzaren dispositiboak istiluak geldiarazi ditu eta zaleen arteko liskarrak saihestu ditu.
Istiluak 17:30ean hasi dira, Italiako zaleentzat estadiora sartzeko gunean. Erromaren jarraitzaile batzuek dispositiboko agenteen aurka egin dute, eta bi zalegoen arteko liskarrak saihesteko esku hartu dute.
Hainbat pertsonak segurtasun pribatuko langileei aurre egin diete, gerrikoak erabiliz, estadiorako sarbideen kontrolean. Eraso horien ondorioz, bi segurtasuneko profesional zauritu dira.
Istiluen ondorioz, Ertzaintzak lau zale italiar eta bertako zaleetako bi atxilotu ditu, agenteen aurkako atentatua eta desordena publikoak egotzita.
Gertakarietan, botilak, bengalak edo petardoak ere jaurti dituzte.