Categorías: albisteak-berriak

Imanol Pradales: «Gure helburua da gero eta ikertzaile eta ekintzaile gehiago egoteko baldintza egokienak sortzea»

  • Lehendakariak I+Med laborategiko instalazio berriak bisitatu ditu, munduko lehen Nanohidrogel Adimendunen Institutu Biomedikoa
  • Imanol Pradalesek haren sustatzaileen ahalegin pertsonala nabarmendu du, eta Eusko Jaurlaritzak Talentuaren Estrategia zabalduko duela aurreratu du

Lehendakariak I+Med laborategiko instalazio berriak bisitatu ditu gaur goizean, munduko lehen Nanohidrogel Adimendunen Institutu Biomedikoa. Arabako Parke Teknologikoan dago kokatua. Eusko Jaurlaritzaren helburuekin bat datorren berrikuntzaren eta talentuaren aldeko apustuaren adibide bat, esan du Imanol Pradalesek.

«Gure helburua da gero eta ikertzaile eta ekintzaile gehiago egoteko baldintza egokienak sortzea, eta proiektu aurreratuak gauzatzea. Asmatu egin behar dugu. Horretarako, aukera industrialak eta berrikuntza sustatuko ditugu, eta Talentuaren aldeko Estrategia zabalduko dugu«, adierazi du.

Enpresako zuzendari Manu Muñoz eta bertako lantaldeko kide batzuk aldamenean zituela, Lehendakariak ingeniaritza biomedikoaren arloan produktu berriak ikertu, garatu eta fabrikatzen dituen laborategi honen instalazio berriak bisitatu ditu.

Lehendakariak balioan jarri nahi izan du lan hori. “Ez da erraza zientzia-denborak emaitzen kontuarekin parekatzea. I+G arloa marketinarekin eta finantzekin integratzea. Helburuak berak eraman zaituzte zailtasunak saihestera eta zuen bidea aurkitzera: enpresa konpromiso partekatu gisa ikustera. Pertsonak proiektuarekiko, proiektua pertsonekiko eta proiektua ingurunearekiko konpromisoa. Emaitza hauxe da: teknologikoki punta-puntakoa den enpresa, Araban eta Euskal Autonomia Erkidegoan errotua, talentua eta berrikuntza bultzatzen dituena. Kalitatezko enplegua eta aberastasuna sortzen ditu, eta biozientzien sektorea bezalako aukera-sektore batean munduko erreferente gisa kokatzen gaitu», esan du.

Arabako Parke Teknologikoan kokatua, i+Med espezializatuta dago pertsona bakoitzaren beharretara egokitutako askapen kontrolatuko sistema adimentsu pertsonalizatuak sortzen. 2013an sortu zen —UPV/EHUren enpresa-mintegiaren babesean, proiektuari esperientzia zabala ematen dioten ikertzaileen kooperatiba gisa—, eta enpresa 180 pertsonak osatzen dute. Horietatik 30 inguru osasunarekin lotutako esparruren batean doktoratuta daude, eta beste 24 arlo biomedikoetan espezializatutako ingeniaritzen mundukoak dira.

Lehendakariarekin batera, inaugurazio honetan izan dira Industria, Trantsizio Energetikoa eta Jasangarritasuneko sailburu Mikel Jauregi, Zientzia, Unibertsitate eta Berrikuntzako sailburu Juan Ignacio Pérez Iglesias, Arabako diputatu nagusi Ramiro González, Gasteizko alkate Maider Etxabarria eta Gobernuko ordezkari Marisol Garmendia.

albisteak

Compartir
Publicado por
albisteak

Entradas recientes

Ugao-Miraballesen atxilotu dute etxe batean indarrez sartzeagatik, txalet batean leiho bat hautsita sartu ondoren

25_0194 Ugao-Miraballesen atxilotu dute etxe batean indarrez sartzeagatik, txalet batean leiho bat hautsita sartu ondoren…

8 horas hace

Donostiako toldoen zozketa martxoaren 20an, ostegua, mantentzen da

Donostiako Udalak bere gain hartu du Itsasertzetako agindua, Kontxako hondartzako toldoen herena kentzeko Datozen hiru…

8 horas hace

Donostiako Udalak lizentzia eman du Illunbeko enpresa bioteknologikoen hub-a eraikitzeko

Tokiko Gobernu Batzarrak onartutako gaiak: Haizearen Orrazia, Infernua, Txomin Eneako anbulatorioa, Taxien tarifak, Haur-eskolak, Donostiako…

8 horas hace

Doako prestakuntza-eskaintza haur eta nerabeen gurasoentzat Donostian

TREBA Gurasoak programako 2 hitzaldiak eta 4 tailerrak 2025eko martxotik azarora bitartean egingo dira Donostian…

8 horas hace

Abierta la inscripción para los programas de verano Udalekuak y Gazte Oporraldiak 2025

La convocatoria para participar en los programas de verano Udalekuak 2025 y Gazte Oporraldiak 2025,…

8 horas hace

Nafarroako Gobernua aurrera doa aurrekontuak egiteko eta kontuak emateko prozesuak modernizatzeko bidean

MIGUEL OSES Nafarroako Gobernuak ekimen bat diseinatu du aurrekontuak egiteko eta horien gaineko kontuak emateko…

8 horas hace