Ertzaintzak bi gizon atxilotu ditu Irunen ostalaritza-establezimendu batean lapurreta egitea leporatuta. Atxilotuei Irunen bertan 2024ko urritik egindako antzeko beste sei lapurreta ere leporatzen dizkiete. Ikerketak zabalik jarraitzen du, eta ez da baztertzen atxilotuek beste zortzi lapurretatan ere parte hartu izana.
Martxoaren 8an, goizaldeko 03:15 aldera, bi gizon Irungo Santiago auzoko kafetegi batean sartu ziren lapurreta egitera, aireztapen-sareta bat behartuta. Lapurrek 1.000 euro inguru lapurtu zituzten kutxa erregistratzailetik, eta beste 700 euro txanponetan jolas-makina batetik.
Inplikatuek aurpegiak estalita zeramatzaten txanoekin eta buffekin, eta establezimenduko kamerak esprai pinturaz estali zituzten.
2025eko urtarriletik aurrera, nabarmen egin dute gora Irungo ostalaritza-establezimenduetan indarra erabiliz egindako lapurretek. Lapurreta gehienetan antzeko modus operandi bat ikusten zen: lapurretaren aurreko egunetan, bi gizon lapurreta egin nahi zuten establezimendura joaten ziren, eta zelatan egoten ziren lokaleko segurtasun-neurriak egiaztatuz. Handik egun batzuetara, lapurreta egiten zuten lokaleko sarrerak behartuta, eta kutxa erregistratzaileetako eta jolas-makinetako dirua hartzen zuten.
Irungo Ertzain-etxetik ostalaritza-lokalak zaintzeko lanak areagotu zituzten, eta martxoaren 23an Ertzaintzako agenteek lapurretako bat identifikatu zuten, eta indarra erabiliz lapurreta egiteagatik eta errekisitoria judizial batengatik atxilotu zuten.
Ertzainek, ikerketa-lanarekin jarraituz, atxilotuak bigarren inplikatu batekin batera ostatu non hartzen zuen jakin ahal izan zuten, eta bigarren hori egun horretan bertan atxilotu zuten egitate berberengatik. Atxilotuen geletan egindako begi-ikuskapenetan eskudirua eta lapurretetan erabilitako eskularruak, txanoak, buffak, eta oinetakoak aurkitu zituzten.
Oraingoz, sei lapurreta leporatu ahal izan dizkiete atxilotuei, eta beste zortzitan parte hartu duten ikertzen ari dira.
Atxilotuak polizia-egoitzara eraman zituzten zegozkion polizia-eginbideekin jarraitzeko. Horiek amaitu ondoren, epailearen eskuetan jarriko dituzte.
Ertzainek hiru gazte atxilotu zituzten atzo arratsaldean Villabonako tren-geltokian, Irun eta Brinkola arteko bidean indarkeria…
Martxoaren 19an hartu du erretiroa Jokin Alfagemek, Ertzaintzaren lehenengo promoziokoa zen eta aktibo zegoen azken…
El jugador del Athletic Club Iñigo Ruiz de Galarreta sufre una lesión moderada en la…
Ambas instituciones colaborarán en la organización de seminarios en clave internacional para atraer a personas…
La actual diputada foral de Movilidad, Turismo y Ordenación del Territorio, Azahara Domínguez, será la…
La ordenanza tiene como objetivo de garantizar el respeto y buen trato a los animales…