25_0204 Santurtziko taberna bateko zerbitzaria atxilotu dute droga-trafikoagatik
Prentsa Zerbitzua
2025-03-25
Ertzaintzako agenteek ostalaritza-establezimendu bateko zerbitzaria atxilotu zuten atzo arratsaldean Santurtzin, osasun publikoaren aurkako delitu bat leporatuta. Lokalean egindako miaketan, ertzainek saltzeko prest zeuden haxix monodosiak aurkitu zituzten.
Atzo, astelehena, arratsaldeko bost eta erdiak aldera, Santurtzin herritarrak babesteko lanetan ari zen Ertzaintzaren patruila batek haxix usain handia hartu zuen taberna baten aurretik igarotzean. Zerbitzaria, agenteak ikustean, presaka sartu zen sukaldean, eta agenteek 18 haxix zati ikusi zituzten bertan, saltzeko prestatuta zeuden banako dositan bilduta. Era berean, agenteek lokalean ez zuten ikusi ostalaritza-jarduerarik zegoenik, eta substantzia sorgorgarrien salmentak estaltzeko izan zitekeela pentsatu zuten. Ebidentzia horien aurrean, beraz, patruilako agenteek zerbitzaria atxilotu zuten osasun publikoaren aurkako delitu bat leporatuta. Gainera, bertan zituen beisboleko bate bat eta autodefentsarako esprai bat ere konfiskatu zizkioten.
Atxilotua, polizia-aurrekari ugari dituen 45 urteko gizona, goizean zehar jarriko dute agintari judizialaren eskuetan.
Ertzainek hiru gazte atxilotu zituzten atzo arratsaldean Villabonako tren-geltokian, Irun eta Brinkola arteko bidean indarkeria…
Martxoaren 19an hartu du erretiroa Jokin Alfagemek, Ertzaintzaren lehenengo promoziokoa zen eta aktibo zegoen azken…
El jugador del Athletic Club Iñigo Ruiz de Galarreta sufre una lesión moderada en la…
Ambas instituciones colaborarán en la organización de seminarios en clave internacional para atraer a personas…
La actual diputada foral de Movilidad, Turismo y Ordenación del Territorio, Azahara Domínguez, será la…
La ordenanza tiene como objetivo de garantizar el respeto y buen trato a los animales…