Categorías: albisteak-berriak

Cyberzaintzak simulakro bat antolatu du zibersegurtasunerako erakundearteko mahaia osatzen duten organismoak indartzeko

Euskadiko Zibersegurtasun agentziak ziber-krisi baten simulakroa egin du Euskadiko zibersegurtasunerako erakundearteko mahaia osatzen duten 13 organismoekin. Mahai hori Eusko Jaurlaritzako hainbat sailetako organismoek, hiru foru-aldundiek eta Informazioaren eta Komunikazioaren Teknologietako euren sozietateek, hiru hiriburuetako udalek, EUDELek, Datuak Babesteko Euskal Agentziak eta Izenpek osatzen dute.

Martxoaren hasieran, euskal sektore publikoko hainbat erakunde DDos erasoen (Zerbitzua Ukatzeko Eraso Antolatuen) biktima izan ziren. Erasoek ondorio desberdinak izan zituzten erakunde bakoitzarentzat, eta kasu batzuetan webguneetarako eta haien administrazio-sistemetarako sarbidea eten zuten. Eraso hori eraginkortasunez identifikatu eta neutralizatu zen Cyberzaintzaren alerta goiztiarrari eta azken 3 urteetan abian jarri diren lankidetza koordinatuko kanalei esker.

“Hil honen hasieran euskal erakundeek jasotako erasoen ondoren, garrantzitsua iruditu zaigu ariketa bateratu bat antolatzea eraso zehatz bat simulatuz, parte-hartzaile guztiei zer gertatzen ari den eta halako egoera batean nola erantzun dezaketen ulertzeko tresnak emateko”, azaldu du Javier Diéguez Cyberzaintzako zuzendari nagusiak.

Aurreikusten ez den guztia ia ezinezkoa da larrialdian zehar inprobisatzea, eta krisia eraginkortasunez kudeatzeko gakoetako bat aurrea hartzeko eta egoera kritiko bihur daitezkeen esparruak identifikatzeko gaitasuna da. Beharrezkoa da toki-erakundeen ahuleziez jabetzen lagunduko duen prospektiba-ariketa etengabea egitea, prestatu eta aurrea hartu ahal izateko.

Hiru orduko simulakroa

Ariketa egiteko, fikziozko agertoki bat sortu da, 102.000 biztanle dituen udalerri bat, 192 milioi euroko aurrekontua duena, eta herritarrei eskaintzen dizkien zerbitzuen, barne-antolaketaren, azpiegituren eta sareen xehetasun osoak eman dira.

Parte-hartzaileei eraso batean “denbora errealean” gertatzen denari buruzko informazioa eman zaie.  Ariketak 3 orduko iraupena izan du, eta parte-hartzaileek ematen diren zerbitzuak eta, batez ere, horiek galtzearen ondorioak ezagutu aha izan dituzte. Erabakiak jasotako informazioaren arabera hartzen joan dira, leheneratu beharreko zerbitzuak, herritarren jakinarazpenak, beste organismo batzuekiko koordinazioa, eta abar, lehenesten joateko.

Diéguezek azpimarratu duenez, “ikuspuntuak trukatu ditugu eta arazo orokorrak identifikatu ditugu, baina, batez ere, oso positiboki baloratzen ditugu gertakari baten aurrean prebenitzeko, babesteko, arintzeko, erantzuteko eta leheneratzeko ahaleginak hobetzeko egindako iradokizunak. Bakoitzaren egungo planak eta gaitasunak ezagutuz eta erabiliz erantzun behar da”.

albisteak

Compartir
Publicado por
albisteak

Entradas recientes

Euskadiko Larrialdietako Zerbitzuek Jaizkibel mendian istripua izan duen mendizale bat erreskatatu dute

25_0227 Euskadiko Larrialdietako Zerbitzuek Jaizkibel mendian istripua izan duen mendizale bat erreskatatu dute Euskadiko Larrialdietako…

13 horas hace

Ertzaintzak gizon bat atxilotu du Santurtzin, gama altuko telefono mugikor faltsuen salmentarekin partikularrei iruzur egiteagatik

Ertzaintzak egin duen ikerketa batek agerian utzi du gama altuko telefono mugikor faltsuen salmentarekin egindako…

13 horas hace

Zestoan atxilotu dituzte enpresa batean lapurreta egin nahian ari zirela

Ertzainek 47 eta 20 urteko bi gizon atxilotu zituzten atzo, astelehena, arratsaldean, Zestoan, indarra erabiliz…

13 horas hace

Nafarroak BAIren lizitazioa abiarazi du eta lehen prestakuntza-titulua aurkeztu du Zuricheko ETHra egindako bisitan

Nafarroako Gobernuak Iruñeko Taxoare kaleko 18. zenbakian egongo den Eraikuntza eta Arkitekturari Aplikatutako Industrializazio eta…

16 horas hace

Lurralde Kohesioak Elizondoko zubi berriaren obrak lizitatu ditu, herrirako sarbideak hobetu eta hiriguneko trafikoa arinduko duen funtsezko azpiegitura

Lurralde Kohesirako Departamentuak, Herri Lan eta Azpiegituren Zuzendaritza Nagusiaren bitartez, Elizondoko zubi berriaren obrak lizitatu…

16 horas hace

Hezkuntzak 278.231 euroko dirulaguntza eman die 13 toki-erakunderi, 0-3 ikastegietako eta Lehen Hezkuntzako ikastetxeetako obrak ordaintzeko

Nafarroako Aldizkari Ofizialak gaur, apirilak 1, asteartea, argitaratu du Hezkuntza Departamentuaren ebazpena, Nafarroako hainbat udal…

16 horas hace