25_0227 Euskadiko Larrialdietako Zerbitzuek Jaizkibel mendian istripua izan duen mendizale bat erreskatatu dute
Euskadiko Larrialdietako Zerbitzuek Jaizkibel mendian istripua izan duen mendizale bat erreskatatu dute
Servicio de prensa
2025-04-01
Ertzaintzaren helikoptero batek Jaizkibel mendiko harkaitz-eremu baten istripua izan duen eta min hartu duen mendizale bat erreskatatu du gaur, asteartea, arratsaldeko lehenengo orduan.
Gaur eguerdiko hamabi eta erdiak inguruan, partikular bat SOS DEIAK 112 Larrialdiei Aurre Egiteko Zerbitzuarekin harremanetan jarri da, mendizale bat Jaizkibelgo harkaitz-eremu batean erori dela eta, horren ondorioz, hainbat lesio zituela eta ezin zuela bidean bere kabuz jarraitu jakinarazteko.
Gertatutakoaren berri izan ondoren ezarri den dispositiboaz arduratu den teknikariak, larrialdietako beste baliabide batzuen artean, Ertzaintzaren helikoptero bat eta Zaintza eta Erreskate Unitateko agenteak mobilizatu ditu, eta helikopteroak erreskatatu du istripua izan duen mendizalea. Ondoren, zauritua ospitalera eraman dute.