Ertzainek 47 eta 20 urteko bi gizon atxilotu zituzten atzo, astelehena, arratsaldean, Zestoan, indarra erabiliz lapurreta egitea leporatuta, eta ustezko beste bi inplikaturi eginbideak ireki zizkieten, ikertu gisa, enpresa batean kobrezko kablea lapurtzen harrapatu ondoren.
Atzo, astelehena, arratsaldeko bostak baino lehentxeago, Ertzaintzari jakitera eman zioten itxuraz hainbat pertsona lapurretan ari zirela Zestoako industrialde batean kokatutako enpresa batean. Inguruan zaintza-lanetan ari zen herritarren babeseko patruila bat berehala hurbildu zen esandako lekura, eta aipatutako pabiloiaren kanpoaldean aparkatuta bi auto eta horien ondoan zelatan lau pertsona ikusi zituen. Agenteek han zertan ari ziren galdetu zietenean, ez zuten arrazoizko azalpenik eman.
Susmagarriak identifikatu egin zituzten, eta horietako bi enpresan behartuta zegoen aireztapen-eremutik sartu ari zirela egiaztatu ahal izan zuten. Barruan, ebakigailu baten ondoan, kobrezko kablea aurkitu zuten moztuta eta bilduta, lapurtzeko prest. Horren aurrean, biak atxilotu zituzten indarra erabiliz lapurreta egitea leporatuta, eta horien bi laguntzaileei eginbideak ireki zizkieten, ikertu gisa, egitateetan ustez parte hartzeagatik.
Atxilotuak polizia-egoitzara eraman zituzten beharrezko izapideak egin eta epailearen aurrera eramateko.