Ertzainek 25 eta 24 urteko bi gizon atxilotu dituzte gaur, asteazkena, goizaldean, balkoi bateraino igo eta etxebizitza batean lapurretan harrapatu ondoren.
Gaur goizaldeko ordu bi eta erdiak aldera, poliziaren laguntza eskatu dute Durangoko etxebizitza batean. Berriemaileak jakitera eman duenez, etxeko bizilagunak ezezagun bat ikusi du etxeko balkoian, bertan utzita zuen patinete bat lapurtu nahian. Dirudienez, ikusi egin dutela konturatu denean, ustezko lapurrak kalera jauzi egin du eta beheran zain zuen beste pertsona batekin batera ihesari ekin dio. Bigarren pertsona horrek lapurtzea lortu duten salatzailearen bizikleta bat zeraman, eta ihesi zihoazela abandonatuta utzi dute, eta jabeak berreskuratu ahal izan du.
Inguruan zaintza-lanetan ari zen herritarren segurtasunerako patruila bat berehala hurbildu da adierazitako lekura, eta inguruan atzeman ditu berriemaileak emandako ezaugarriekin bat zetozen bi gazte. Susmagarriak identifikatu egin dituzte, eta batek, ustez terrazatik jauzi egitearen ondorioz, orkatilan mina zuela egiaztatu dute.
Beharrezko frogaketak egin ondoren, bi gizonak atxilotu dituzte, eta polizia-egoitzara eraman dituzte zegozkion izapideak egin eta, ondoren, epailearen aurrera eramateko.