Ertzaintzako agenteek 46, 44, 40 eta 28 urteko lau gizon atxilotu dituzte gaur, larunbata, goizaldean, Tolosako enpresa batean indarra erabiliz lapurreta egin eta ibilgailu batean ihes egiteagatik. Beraien atzetik atera den patruilaren jarraibideei ez diete jaramonik egin.
Gaur goizaldeko ordu bi eta erdiak pasata, zaintza-lanak egiten ari zen Oriako ertzain-etxeko patruila batek kaputxadun gizon batzuk ikusi ditu Tolosako industrialde baten inguruan aparkatuta zegoen ibilgailu batean sartzen. Susmagarriak berehala abiatu dira, N-1 errepiderantz, eta, hasieran, ez diete jaramonik egin haien atzetik atera den polizia-taldearen jarraibideei, eta, ihesaldian, objekturen bat bota dute leihatilatik.
Azkenik, Irura parean, agenteek autoaren martxa geldiaraztea lortu dute, lau bidaiariak identifikatuz eta barruan eskularruak, buru-berokiak, azazkal-barra bat, aizkora bat, mazoak, bihurkinak, guraizeak… eta lapurretetan erabili ohi diren gainerako tresnak aurkituz.
Aldi berean, egiaztatu ahal izan da enpresa batek, aurkitu zituzten lekutik gertu, atea bortxatuta eta barrualdea nahastuta zituela. Lapurreta horretan inplikatuta zeudela baieztatu ondoren, atxilotu eta ertzain-etxera eraman dituzte, epailearen esku utzi aurretik egin beharreko izapideak egiteko.
25_0238 Ertzaintzak barne-ikerketa bat hasi du, osteguneko Errekaldeko istiluetan Ertzaintzak gazte bat zauritu zuen argitzeko…
Aste honetan, Ertzaintzak 31 urteko gizon bat atxilotu du, Irungo merkataritza-gune batean indarkeriaz lapurreta egin…
Lasterketa apirilaren 7tik 12ra bitartean egingo da Vitoria-Gasteiz eta Eibar artean Ertzaintza eta udaltzaingoak arduratuko…
La cita tendrá lugar hoy, a partir de las 18:30 horas, y la entrada será…
858.102 contribuyentes tienen a su disposición el borrador de su declaración que podrán consultar y…
La Ertzaintza detuvo la madrugada de ayer a tres hombres acusados de la comisión de…